منتديات البدارين - نماذج بشــــرية ؟؟؟


	السلام عليكم و رحمة الله و بركاتة (نماذج بشرية الكل من المؤكد يتمنى زوالها) ؟!! النموذج الأول شخص كل يوم هو و مديره في ملابش علشان التأخير أو الإستذان من العمل و من المؤكد أننا جميعا يعرف هذه الأعذار وهي على سبيل المثال : 1) والله السياره مبنشره ؟! 2) زوجتي عندها موعد في المستشفى !؟ 3) والله يابو ..... عندي ضيوف من القصيم ؟!! 4) راحت علي نومه ؟! 5) دق الجرس وطفيته ؟!! علشان أقوم بعد 10 دقايق ... لكن يخلف الله ؟؟!! 6) أبغى أجيب الورعان من المدرسه ؟؟!! =================== النموذج الثاني شخص مادح لنفسه دائما .... ولو لا أنه موجود في هالقسم كان تعطل العمل ؟!! ودائما يردد : 1) تراء الشباب اليوم أو فلان نسى يسوي كذا .... أو كذا ؟!! 2) تراء فلان كتب كذا من دون أن يشيك على الموضوع أو الملف؟؟ 3) هاذولاء مايفهمون الله مير يسلمك ...مأدري كيف موظفينهم ؟؟!! 4) ولا يهمك يابو فلان ..... خلني أشيك على الملفات و أنا أزبط لك جميع المواضيع ؟!!؟ ================= النموذج الثالث شخص عنده شغاله و منتف دين أمها بكثر الطلبات ؟؟!! ومن الممارسات المتعوده يوميا هي كالتالي : 1) تلقى الريموت عند رجليه ......... ولكن لابد من المصايح و الإزعاج أن يزهم على هالمسيكينه نونو أو ريوو أو سكينه أو تلوو علشان تعطيه الريموت اللي عند رجلينه ياجعلها للكسر ؟؟!! 2) يدق التلفون و هو عن بعد 3 أقدام عن مكان إنبطاح سعادته ؟؟!! ولكن لابد من أن تحضره الشغاله ؟؟!! 3) يجيب المقاضي و يوم يدخل البيت أول مايقول حتى قبل أن يسمي ؟!! هو .... يا......... خوذي المفاتيح وجيبي المقاضي ؟؟!! .... حتى لو كانت المسيكينه عصقوله ولا تقدر على حمل حتى الثوب المعفن اللي عليها ؟؟!! ((((وش رايكم )))؟!! هل أنتــم معي في أنه يجب القضاء على هذه النماذج المتعفنه في مجتمعنا ؟! تقبل تحيات عادل البدرانــي