مرثية :ممدوح بن فهد بن بايج البدراني
بسم الله الرحمن الرحيم
لاحول ياعلمن لفا اليوم لاحول=فجيعتن ياكبرها من فجيعه. قالو توفى شيخكم حامي القول=اللي بصيته وصل راس الطليعه. نايف ولدهاجد ولاهو ابمجهول=سيفن ينومس بالملاقى لميعه. واخذت لي ساعه من العلم مذهول=وادموع عيني من هدبها سريعه. مرحوم جعلك عند مولاك مقبول=وعساك مسكنك الجنان الوسيعه. ياشيخنا اللي بالوفا إتصول وإتجول=حكيم راي ومقتدي بالشريعه. يبكيك بيت الله وابكيك وااقول=ياكثر ناسن من فراقك وجيعه. ويبكيك مجلس عز فاتح ومدهول=الضيف والعاني هواه وربيعه. وياكثر يبكونك مشاكيل وزحول=ويبكيك من يرهي بحبل القطيعه. ليت القدر ينرد بسيوف واخيول=كان العمر من دون راسك نبيعه. مير القدر مافيه حيله ولاحول=إمن الولي مكتوب مانستطيعه. عسى الخيال اللي له إبروق وإثعول=إيسوقه الله لين يسقي بقيعه. يسقي ثرى قبرك من الحول للحول=ياشيخنا اللي لك مكانه رفيعه . ممدوح بن فهد بن بايج البدراني |
صح لسان الشاعر ممدوح بن فهد بن بايج البدراني
وسلمت ابو عبدالله على نقل القصيدة الرائعة لك فائق احترامي |
ابوعبدالله
تسلم على النقل الجميل الشاعر ممدوح فهد البدراني صح السانك الشاعربدرالبدراني |
صـــح لسان الشاعر ممدوح بن فهد بن بايج البدراني ...... وشكرا يا بو عبد الله ..
|
الساعة الآن 11:35 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM