محاورة بين الشاعرين / راشد السحيمي و تركي الميزاني
تركي= هـلا مرحبـا ترحيبـةٍ فالهـا زيــن = نظيفـةو تقبلهـا النفـوس النظيفـة أبا أسجل السحمـان ضمـن الموازيـن = و أبا أوظـف اللـي مالقالـه وظيفـه راشد= يدوم البقـاء و أنتـم بلاشـك غاليـن =تراحيبكـم هـاذي ثقيـلـه خفيـفـه ترى المكرمة هاذي على الرأس و العين =و أبا أعطيك لازان المعـاش النصيفـه تركي= ترى الشك مايدخـل عقـول السلاطيـن = و لاهو بأنا اللـي يلتفـت يـم ضيفـه أجل شد حيلك و الوعـد بعـد يوميـن = و أنا مغتني و النفس ماهـي ضعيفـه راشد = يا أبو قلب نسخة من قلـوب البعاريـن = لكـن المقاصـد و النوايـا شريـفـه على الزين ياتركي عطاء الله على الزين = تواعـد تخلـف فاللـيـال المخيـفـه تركي= على وين ياراشد صحيبي علـى ويـن = تبأ الرقـم الأول ميـر طحـت برديفـه أبا أحرر البصـرة و أحـرر فلسطيـن = لعلـك بعـد ياسـر تصيـر الخليـفـه راشد= لك الله ما أعـود ليـن أزور البعيديـن = و أرز العلـم مابيـن غـزه و حيـفـه لياصـاروا الصاحيـن مثـل المجانيـن = تجـي تفرقـه بيـن الوليـف وليفـه تركي= أنـا مابدالـي غيـر بعـض العناويـن = و لا أقرأ المجلة لين أشوف الصحيفـه ترانا من الماضـي رياجيـل صاحيـن = و من راح قلنالـه علـى كيـف كيفـه راشد= صدور العرب فيهـا سـوات البراكيـن = دخل شوك بيـن المفرشـة و القطيفـه أدورك ياسـاحـر قـلـوب الملايـيـن = ولانـي مكلـف بالعـيـون الكفيـفـه تركي= ترى السيف ماتضحك عليه السكاكيـن = و لايأخـذ الطـيـار رأي المضيـفـه و لكن خلـك ذيـب فالعسـر و الليـن = و لافيـه بعـد الغـزو غيـر النكيفـه راشد= أعلمـك لامنـا قطعـنـا الشرايـيـن = أكيد الطمع يا أبـن عطـاءالله تعيفـه أحـذرك لاتقطـع صفـوف المصليـن = و أنا أكفلك من سكين راشـد و سيفـه |
مشرفنا الغالي طلال البدراني لاهنت لاهنت وبيض الله وجهك على النقل المحاوره الرائعه الله يعطيك العافيه |
شاعرنا الاخ طلال سعد البدراني ، مشكور على هاالنقل المميز وبيض الله وجهك ونتطلع للمزيد
تحــــــــــــيــــــــــــــــــــاتـــــــــــــ ــــــــــــي |
الغالي طلال سعد البدراني محاورة رائعة يعطيك العافية وننتظر المزيد |
يعطيك العافيه وماقصرت..
ولا تحرمنا من جديد المحاورات والله يقويك... |
الساعة الآن 07:53 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM