الحمد لله يــوم ربــي عــثرهــم

وانجاك من كيد الطواغيت الأشرار

الحمد لله يــوم هــوّد خــطـرهــم

وسلــّم لنا محمد من كل ما صار

الحمد لله كـيـدهـم فـي نـحـرهــم

ما يـفــلح الظـــالم ولا كــل غــدّار

الحمد لله جـنـدنـا اللـه نـصـرهـم

يبقون سيــف ٍ للـــمعــادين بتــّار

يارب تـدحـرهـم وتـعـمـي بصـرهم

وترسل لهم يارب قصـّاف الأعمار

ما قـدروا مـن هـو بـعـطفه غمرهم

ولا قدروا طيب الرجاجيل الأحرار

ولا فـكـروا حـتى بحرمة شـهـرهـم

ولا فكروا في حرمة الأهل والدار

أمن الوطـن زوّد عـليهم قـهـرهـم

وخلا ّ مخطط زمرة الشرك ينهار

شانت وجيه الشر وشانت صورهم

المعتــدين اللي غــشونا بالاسحار

يا الله عـسى يـارب تمـحي أثـرهم

وياعل من خان الوطن فاله النار

شعر/ ضيف الله البدراني (أبووليد)