جود الزمان وشح منتوج الافكار
جود الزمان وشح منتوج الافكار = ساعد نظام العولمه للتعري وضعف الشيوخ اللي عليها الفلك دار = نشط دعاة العلمنه بالتجري حرم حلال وجاز تحليل الاضرار = علمن يهول ونفعته ماتسري والغيره اللي كنها شعلة النار = رمد حطبها من يدين المذري حتى الهنوف اللي نبى صوتها عار = يسلب حياها نور نجمٍ مسري مات الشجيع اللي على قب الامهار = خلى الدويني في زمانه مضري واللي عليهم يثبت الموقف الحار = راحوا ضحايا مهتوين التحري حق الخوي والضيف والعود والجار= حطوا لها مخرج طواري وسري كل السلوم اللي لها عندنا كار = غيب عليها وقتنا بالتزري حتى الضرير اللي فقد شوف الابصار = معاد وده بالنظر يستقري بيت الشرف والعز يناس منهار = خيم عليه القصف جوي وبري حطم زوايا البيت والناس الا خيار = واللي بقى منزوع منه التمري حب وغرام وعشقةٍ كلها اسرار = علاقةٍ فيها النسب مايمري ماهي على شرع الله النافع الضار = فيها من علوم الدنس والتهري وقت يخلي صاحي الفكر محتار = بين الحياه وبين موت التبري جعل الزمان اللي قطع صوت الاحرار = يقطع حياة اهل الردى والتعري |
الاخ صنت
هذا تجلي واضح وكمايقولون سلطنه لا ازيد الا صح لسانك وعلا شانك قرأتها بتمعن لك الود |
ابداااااع في ابدااااع
قصيدة جدا جدا رائعة تحياتي لك ياصنت |
اقتباس:
ابن العم الغالي صنت البدراني قصيدة في منتهى الروعة والجمال صح لسانك مليووون ولا يكفووون لك تحيتي وتقديري واحترامي |
الساعة الآن 09:09 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM