قالو : تحبه ..؟ قلت.....
 

اسعد الله أوقاتكم بكل حب وود . . .



أعجبتني أتمنى أن تعجبكم ..


لـ : سمو الامير الشاعر : سعود بن بندر .. رحمه الله












,

,

,

,





قالوا تحبه قلت ماهوب بالحيل
بس انه أغلى شوي من نور عيني

يسوى جميع الجيل الأول وهالجيل
أحبابي الماضيين والمقبليني

شوقي له أعظم من ظما الأرض للسيل
وأشفق عليه أكثر من أم الجنيني

وأحتاج له حاجة ثرى مصر للنيل
وعليه أغار ولو من ما للوالديني

أشتاق له شوق المحبين لليل
وأرتاح له راحة دموع الحزيني

لا صار جنبي لو سنه وقتي بخيل
ولا غاب لو لحظات صارت سنيني

قالوا يحبك قلت هذا هو الويل
ما ودي أنشد ثم رفضه يجيني

وأهدم رجأي بدبرتي مثل ما قيل
والأفضل أحيا بالأمل لو لحيني

يا حبكم يا ناس للقال والقيل
والأمر لو سهل يصبح مهيني

خلوني أحيا في الوهم يا عواذيل
وش دخلكم والأمر بينه وبيني

اخوي المتذوق الرائع البدران

قصيدة جميلة جداا رحم اللة قائلها

والبيت الاول اصبح مثل الامثال والحكم الشهيرة

تحياااتي على الذوق الرائع