قصيدة نايف بن زابن في فهد بن غزاي البدراني
السلام عليكم ورحمة الله وبركاته فهد بن غزاي البدراني ووالده غزاي من كبار القبيلة وفهد بن غزاي علم من اعلام البدارين لا يمكننا تجاهله . انا قمت بالبحث في ديوان ابن زابن المعمري (( الاول )) ووجدت هذه القصيدة التي يعبر فيها الشاعر عن حاجته لفهد لبعض النوائب التي المت به ....... اليكم القصيدة : (( يافـهـــد ياعزوتي ))
يافهد ياعزوتي ياذخر جدي=ياولد غزاي ياتالي الذخيرة يابن عمي مد يدك شد يدي=لاتخليها على راسي كسيرة هل الباطل تشن الحرب ضدي=والجهات اللي مضى مامن بريره يافهد ماهمني غير التحدي=والا انا حقي براهينه كثيرة لو لقيت اللي اليا اوحاني يلدي=ماغدى لي حق في شبه الجزيرة كنت اقاضي واقتضي واخذ واردي=والحقوق مشرعة بكل ديرة يوم كان الحق دربه مجرهدي=مثل شمس الله في وسط الظهيرة وعقب قيد بالنظام اقفى وشدي=الشديد اللي ماشفنا منه خيره النظام اسمه نظام وله حدي=والشريعة شرعها مافيه غيره مايجن مع بعض لو الماء يعدي=مع مسيله عقب سيله وتحديره وارثن عرفي على ابويه وجدي=وادخل القالات واحل الكبيره واجهلوني واحلفوني عن مشدي=يوم كل جالنا يشعب بعيره وصار عرفي لايجيب ولايودي=ولايقدي عند عميان البصيرة الحصيني عندهم مثل الاسدي=والاسد يكاونونه في الحضيرة ان صبر خاطوه خيط مايندي=وان رفع راسه لهم حاسوا مريره طحت ليِِه في مدير مستجدي=لاقلب عينه مثل عين الجحيرة مايحاسب بالكلام ولا يهدي=كن مافي ديرة بن سعود غيره ان بغيت اخاصمه ماهوب قدي=وان بغيت اسامحه صارت معيرة اه من شي يقد الكبد قدي=قد صاف الحد في حلق النحيرة وش يقد الكبد قد الى الابدي=غير ظلم الخلق مع ضعف العشيرة وســـــــلامـــــــــتــــــــــكـــــــم |
توضيح للاخوة الاعضاء / فهد ابن غزاي البدراني مدير قسم المنح في امانة المدينة المنورة (( سابقا )) للتوضيح فقط شكراااااا |
غير ظلم الخلق مع ضعف العشيرة يعطيك العافية ابو عابد دمت بخير |
يعطيك العافيه وشكرا |
ابو زايد نديم الصمت الله يعافيكم جميعا والله لايهينكم تحياااااااااااتي |
الساعة الآن 10:07 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM