ياقلبي المهموم لوجبت الأبيــــــــــــات = لاتامن الدنيا كفى الله بلاهــــــــا
أنا همومي وسط قلبي ثقيــــــــــــــلات = من السنين اللي تسارع خطاهــا
وأنا لك الله شاعراً لي قناعـــــــــــــات = وأبيات شعري مبعداتً مداهـــــا
متطوراً شعري ولا لحظه يبــــــــــــات = ولي القصايد دوم تعلن ولاهـــــا
مثل التطور في بلاد الأمـــــــــــــارات = وأبيات شعري يامشا الله علاهـا
والشعر للشعار مجد وكرامــــــــــــات = والمجد للعربان أكبر مناهـــــــــا
لوكان قلبي عاش من بعد مامــــــــات = منبعد ماشاف السنين وجفاهـــــا
صرت اتعلم من حياتي حركـــــــــــات = واستنتج الأشياء وماوراهــــــــا
ومن علم الحيين تكفين الأمـــــــــوات = الا الغراب وفعلته في أخاهـــــــا
لي قصتاً تجهل ببعض الحسابــــــــات = لوقصتي تعرف بألفها وباهـــــــا
يامالكة روحي لك القلب بالــــــــــذات = وجوارحي تكشف وتعلن ولاهــا
مانت جميله بس ست الجميـــــــــلات = حتى الجمال ابحضرتك ايتباهـــا
اتذكرك حتى بوقت الصـــــــــــــلوات = بالعصر والمغرب وحتى عشاها
لو لمتها ماينفـــــــعن الملامـــــــــات = وانا الذي دايم أدور رضاهـــــــا
تقول شكلك والظروف الصعيبـــــــات = ماتساعد أصلاً في علوماً تباهــا
شكلك غلط واسمح بذي العــــــبارات = ياعلة ماينعرف وش دواهـــــــا
وش عرفك بالحب هاذي مهـــــارات = مانت يابن معتق على مستواهـا
للي تقول اني ماعرف العلاقــــــــات =هي جاهله متعب وذا من غباهـا
لو ماني شاعــــــــراً لي ثقافــــــــات =ثقافة اللي عاليه في سماهـــــــا
اعرف وش معنى حروب الحضارات = وأفعال بالتاريخ ماحداً نساهــــا
أعرف هولاكو بفعل الشنيعــــــــــات = دمر بلد بغداد واللي تلاهـــــــــا
حتى ان قيل أصبح بها نهر الفــــرات = متغيراً بالدم والحبر ماهــــــــــا
لكن سيف الدين راع المهمــــــــــات = رتب أمور المسلمين ورعاهـــا
وماوراء النهرين امن الحضــــــارات = من بابليينًً وماهو سواهـــــــــا
وعطني علوماً كاملاتٍ رزيــــــــــنات =من مد لك يمناه يبغى ملاهـــــا
لو الردى عندك كما الحلف بالــــلات = استنتج الأشياء تلقى مداهــــــا
السالفه ماهي قوافي علـــــــــــى ات = السالفه أكبر من علوماً تراهــا