الهداني
ياوجودي كل ماهبت نسانيس الهبايب = وجد عودٍ لابنات ولاعيال ولاجماعه لاصديق ولارفيق ولاحبيب ولاركايب = عاش في ديرة طفارى كلها غش ومجاعه والمصيبه فالعيون القشر عنها النورغايب = مايقدي خطوته غير الليدين بكل فاعه والعظام اللي تشيل الجسم فيها الساق عايب= ماجدا ه الا ونينه في مقامه وانجضاعه اتوجد يوم حالي مثل حاله بالمصايب = بيني او بينه تشابه بالمصايب والقناعه واختلفنا عن بعضنا ذا شباب وذاك شايب = الكبر ضيع عزومه والمرض حطم ذراعه كن في داخل ضلوعي تشتعل نار الحرايب = نار حربٍ تستوي فيها العداوه والطماعه ولعت ماتنطفي عيدانها جمر ولهايب = مايبرد حموها غير الفضاء فيه اتساعه لابغيت اعدل الميلات واقرب حبايب = هبت انسام الرياح وشالت القلب ومتاعه استشفيت الخطر مابين صلبات الترايب = وقتنعت ان المروه اكبر اعيال الشجاعه جعل رجلٍ مايقرب بين خلان وقرايب = يحترق قلبه ويونس لايعٍ بالصدر لاعه من سعي بالخيرذكره عند قوم الطيب طايب = يذكرونه في حياته وان توفى له وداعه والهداني وان دخل مجلس رجال الطيب هايب= مثل ورعٍ من حشود الناس صارت فيه راعه يالله انك لاتوفق من يحبون النشايب = جعلهم ماينجبون عيال فدوه للسباعه |
صح لسانك اخوي صنت
قصيدة عازفة نازفة ملئية بالشعر الجزل لك فائق التحية والتقدير |
الخ صنت صح لسانك جزل ولاتجيب الا الجزل
لك الود و الحترام |
صح لسانك اخوي صنت
|
الساعة الآن 07:02 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM