بقايا روح
=(بقايا روح) أنا بقايا روح في هيكل إنسان = أنا جريح (ن ) ما لقا له مداوي أنا مثل طير على الغصن ولهان = لا زاد همه قام يعزف غناوي أنا سفينة بس من دون ربان = في وسط موج(ن) هايج (ن) رحت أخاوي أنا خوي الليل في جوف وديان = من فوق لابه يسمع الذيب عاوي أنا سجين الوقت مع مر الأزمان = يقضي حياته بين حلم ورجاوي أنا تعبت أحيا بلوعة وحرمان = أكن في قلبي مشاعر هواوي أنا بنيت بزيف الأحلام بنيان = حتى اكتشفت إني مع الوقت غاوي أنا تجرعت المرارة والأحزان = من فيض هم بداخلي صرت راوي أنا نويت أرحل عن فلان وفلان = من وقتي الحاضر أنا صرت ناوي أنا أقول وعندي للقول برهان = عز الله إن العشق كله بلاوي =شعر/ ضيف الله البدراني ( أبووليد) |
الاخ ابو وليد
صح لسانك وعلا شانك لك الود |
الأخ الغالي أبو عبد الله صح بدنك وشاكر على مرورك وكل عام وانتم بخير ،، |
الغالي ابو وليد
صح لسانك وعلا شانك قصيدة جميلة ورائعة لك تحيتي وتقديري |
اقتباس:
الغالي أبو ناصر صح بدنك ولا هنت والأروع هو حضورك ومرورك تقبل تحياااااااااااااااتي ،،، |
الساعة الآن 09:53 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM