الصاحب
 

الصاحب الطيـب بالاخـلاص جـازه


واحرص على اللي سمعته ترفع الراس


وان كان تقدر لا طلـب منـك عـازه


عطه الطلب تقدير لا يطـوي اليـاس


واهـم ميـزه بالنفـوس الـعـزازه


والا ضعيف النفس ماهو على سـاس


واظن مابـه شخـص مابـه حـزازه


يرضى على ناس ويزعل على نـاس


ومن لا عرف قدر الشـرف وامتيـازه


هذاك لا يشعـر ولا عنـده أحسـاس


ضميـر مايشعـر عبـاره جـنـازه


مايجمعه بالمجتمـع نبـض الأنفـاس


وصحبت ضعيف العقل مثـل القـزازه


مهمـا تداريهـا تكّسـر وتنـحـاس


هـذا ولـو كـل المساعـي مجـازه


ماصـار بالدنيـا موازيـن وقيـاس



الشاعر :بدر الحويفي

الاخ ابن مرزوق
صح لسانك ولسان بدر الحويفي




لك الود

صـــــــــــــــــــــــــــــــــــــــــــــــح لـــــــــــــــــــــســـــــــــانــــــــــــــ ــــــــكـ ولـــــــــــــســــــــــــــــــان الشاعـــــــر تحيـــــــــــــاتــــــــــــــي لــــــــــــكـ

اخي الغالي بن مرزوق صح لسانك

ولسان الشاعر

اهنيك على الاختيار المتميز

تحيــــاااتي

اخـــوك

الـــراقـــي