يالربع راح اللي على الشعر دكتور..وللقاف والله مايجي مثل صياف
مساكم الله بالخير... هذي قصيده كتبتها بشاعرنا الكبير الراحل صياف الحربي رحمه الله...
يالربع راح اللي على الشعر دكتور=وللقاف والله مايجي مثل صياف اللي على عسف القوافي خذا دور=صياف لكن للطواريق عساف دايم على الطولات والعز مذكور=ذكره كما لمع القمر غصب ينشاف له ماقف ثابت مع الناس مخبور=ياما احتمى في ماضي الوقت ميقاف موقف شرف واضح ولاهو مستور=مواقف نرقى بها كل مشراف هو حر يوم ان القوافي له طيور= حر شجيع نادر بكل الاوصاف متواضع مع الناس ماهو بمغرور=ولا ملحق نفسه مع الوقت محساف انشد خلف وانشد حبيب ومستور= وانشد على روس الشعر كل الاطراف واللي مايعطي الحق ماهو بمعذور=حق الدعا منا على روح صياف يالله جعله مع من تحب محشور=وتمطر على قبره من الوبل رداف وكل القوافي اظلمت واطفت النور =وعز الله ان الشعر عقبه بينعاف وعسى عزا ربعه مع الكل مجبور=واجبر عزا حرب الحرايب بصياف منقوله فيصل البدراني |
الاخ العزيز ابوعبدالله يعطيك العافية وصح لسان الشاعر والله يرحم صياف دمت بخير |
الله يرحم شاعر صياف الحربي وصح لسانك وبيض الله وجهك يا ابوعبدالله والله يعطيك العافيه ودمت بالف خير |
لاهنت يابو عبدالله
ان شهد انه دكتور وصح لسان الشاعر تقبل تحيتي |
مشكور على النقل ابو عبدالله
وتقبل تحياتي.. |
الساعة الآن 02:23 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM