اليتيم
اليتيم اللي مسح دمعه بكمــــه = دورة الايام جابــت له مصايب ما حد ٍ ضمه ياغير الحزن ضمه = والفرح ما مــر يمه ليه غايــــب مات ابوه وبعد موته ماتت أمـــه = مابقى ياغير حظه حظ عايـب إن تذكرهم بدأ جرحـه يسمـه = لين صار القلب نيران ولهايـب مالقى له عــزة ٍ في جنــب عــمــه = ولا لقى له طيبة ٍبين القرايب ينتثــر حلمــه ولايقدر يلمــــه = يندفن حلمه وترفع له نصايب له مكان ٍكل مامســى راح يمــه = مالعبه غير صلفات الهبايب كل مامسى الليـل هاجـوس ٍ يخمـه = يسري بليله كذا ويعود خايب لو مـر العيــد ما ظــن ابيهمــــه = كيف يفرح فاقد أعز الحبايب من مسح دمعه ومن هو شال همه = من يحن ويمسح دموع ٍسكايب دوّروا له راحــة ٍ في راس قمـة = لاتخلونه كذا بدنيا العجابيب ما سمعتوا توصية رسول الامــة = باصبعين اشر كذا والقول صايب فهد البدراني |
من مسح دمعه ومن هو شال همه = من يحن ويمسح دموع ٍسكايب
دوّروا له راحــة ٍ في راس قمـة = لاتخلونه كذا بدنيا العجابيب الاخ فهد اعانه الله وفقت فى شرح المعناة لك الشكر |
صح لسانك يا فهد وسلم بنانك وبارك الله فيك
قصيدة رائعة ومعبّرة وجميلة لك تحيتي وتقديري |
فاذكر ان الذكرى تنفع المومنين
قال الرسول صلى الله عليه وسلم انا وكافل اليتيم كهاتن وشار لاصابع يده السبابه والوسطا بمامعناه الشاعر فهد صح السانك وبيض الله وجهك القصيده رايعه وهاذا(الشعر الموعضي جزاك الله خير الجزا يافهد الشاعربدرالبدراني |
فهد وفقت في توصيل المعنى للقارئ
وصح لسانك |
الساعة الآن 04:02 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM