ياوجودي وجد عودا كبر سنه
اعضاء وزوار منتديات البدارين اسعد الله اوقاتكم وإليكم هذه المتواضعه امل ان ترتقي لذئقتكم
الضماير ياسليم مرجهنه=لين نجرك تل قلبي في صواته فزقلبي من صدى نجر ن تدنه=وانتفظ من عقب ماغط بسباته الهجوس العوب قامن يشلعنه=واستعاد اللي مضى من ذكرياته عاد لعقود السنين اللي سننه=وهام باللي مات من حلو امنياته ياوجودي وجدعود ن كبرسنه=يمنعه عن مايبي من واجباته العظام من الكبر ماينقلنه=ترتعش يمناه مايلحق عباته بين عوب ن لانهمهن يشتمنه=في ولاته تقل ماهن في ولاته والعيال عصاه مافيهم محنه=ولابقي بالبيت حتى اردى بناته كلهم خلوه لهمومن شونه=ماتقل قضاء بخدمتهم حياته ويذكر ايام الصباء اللي فاختنه=يوم عدوانه تحت فية عصاته ويرتكي للنايبات ليانصنه=لويميل الوقت مازعزع ثباته ولاذكر وقت ن مضاله جر ونه=وده ان الله يعجل في وفاته الشاعر/علي زيد البدراني |
ا لشاعر علي زيد البدراني
صح السانك يعلم الله ان ماتكتبه من الشعر متعه لمن يقراه اقصد انظم علي عنده سبك للبيت بالمعنا الذي هو يرغب شاعر يسوق يسوق بيت القصيد ولاينساق ورا القافيه علي يجيدفن الصور الشعريه الذي مايجيدها الا علي شهادتي فيك مجروحه يابو طلال يقول علي/ ياوجودي وجد عود ن كبر سنه=يمنعه عن مايبي من واجباته العظام من الكبر مايحملنه=ترتعش يمناه مايلحق عباته بين عوب ن لانهمهن يشتمنه=في ولاته تقل ماهن في ولاته ------------------------------------------------------------------------------------------------- انشد انك ياعلي زيد شاعر= ونك مهند س شعر ياعلي ابن زيد ماهو شعر من لايثير المشاعر=وبو طلال ايجـــــيد ويجــــيد ويجــــيد يدخلك في جو الصور والمناظر=وشعر انسيابي سلس من غير تعقيد |
شكرآ يابو خالد على لاطراء الذي اتمنى ان استحقه شهادتك وسام على صدري الله يطول عمرك |
صح لسانك اخوي علي
أبيات في قمة الروعةبيض الله وجهك تقبل مروري |
صح بدنك اخي العزيز عبيد الله مرورك زادني شرفا دمت سالما |
الساعة الآن 04:21 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM