قصيده في مغاتير نايف بن راجح
بسم الله الرحمن الرحيم
مشاركه منقوله من مجالس حرب كاتب الموضوع هو/الشاعر / مسعد الحويمضي
عفراء تخطى بين بلغه وساحـوق=وازريت اميز من حلاها الوسيمـه انظر لهـا وتشيلنـي بالنظرفـوق=ذكـرت ربـي والنوايـا سليمـه سنامها عن متنها تقـل مفهـوق=طويلة الغـارب خطاهـا هميمـه مارددوهابالعصاري على السـوق=من دونها تقطع فجـوج وخريمـه تحسب لهاطرقه ويرفع لها مـوق=مثل الغريم اللـي يـدور غريمـه تخطب شرف وتسام هيبه ومنطوق=براطـم العـراف فيهـا مديـمـه هدلن شناح مربعه لوقعهـا لـوق=غريبة الأوصـاف نظـره وقيمـه ادفوفها بيضا مرو تقـل غرنـوق=وجشوشها جزله كبـار الهشيمـه ناقه ولا يشبه لها بالوطـا نـوق=أقـول تنـدر والسوالـف مقيمـه من خوف تلحقني سواليف وحقوق=أقول ناقـه بـس ولـدت يتيمـه تطمع بها علـوى وتشقابهـاروق=وبريه مع برقا عليهـا خصيمـه بالجاهليه دونها شلـف وعـروق=وضرب السيوف القاطعات الحسيمه في ظل قوم تضرب البوق بالعـوق=فوق المهار معالكـات الشكيمـه أولاد زايـد للحرايـب لـهـاذوق=عزوة هل المجد الدروع الصميمه سلالة الملطوم صادق ومصـدوق=ربع لها في مركـز العـز قيمـه أول نسبهم بالسراجيـف معلـوق=وأعلى شرفهم بالكواكـب نسيمـه قولوا لراع الجمله الباب مطـروق=يطوي قراطيسه وينقـض بريمـه صبح يبين وكل مطـرود ملحـوق=وشمس الضحى ماسدهاسنح خيمه ترعد سما نجد وتكاشف بها بروق=سالت شعاب الحـره المستقيمـه روضن خضر مابين ربله وزملوق=ترعا بهاالعفـرا ربيعـة صريمـه هدلـن تحـلا فـي دباديبهاطـوق=علامة الاغراء ورمـز الحشيمـه شول(ن) لوانه بالمزين لهاارموق=استعربت قحطان صـارت تميمـه ما عاد يفخر به من اليوم مخلوق=خز لابن راجـح لحالـه غنيمـه سبع ماهو في قمة الفخر مسبوق=يستاهله شيخ الجميع أخو شيمـه لـلـشـاعـر الـمـتـألــق عبدالله حمد بـن زايـد البدرانـي |
يعطيك العافية أخوي
أبو جعيثن على نقل القصيدة وصح لسان الشاعر / عبدالله حمد البدراني وبيض الله وجهه وتستاهل البل وأهلها المدح دمت سالماً 0 0 0 |
مشكور ابو عبدالله على نقل القصيده
وولاهنت ولاهان شاعرها |
الاخ العزيز
هبوب الجنوب تسلم والله يابعدي ولاهنت قصيده جزله ونياق بن راجح تستاهل ويضربها المثل صح لسان الشاعر |
بسم الله الرحمن الرحيم
السلام عليكم ورحمة الله وبركاته تسلم يابوعبدالله على هذه النقله المميزه |
الساعة الآن 08:22 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM