هذا مخالــف لشرع الله في دينـــه !!!
اللي مع الناس له وجهين يا شينه= يحْسّب الناس تجهل وجهه الثـاني يولّع النــّـار ويحــدحد سكاكيــنه =في مخه إن الخلق ما تعرف الجاني هذا مخالــف لشرع الله في دينـــه= ماهو مخالف فقط لحقوق الانسانــي والله ودك تقطــع لــــه شرايينــــــه= حتى يموت بمكانه دون شريــانـي هذا نذل وقح فاشـــــل منتكس طينه= ما ودك إنه يعيش بكل الأوطـــان واللي على الصدق يالله طول سنينه = يستأهل اللي يجيب العلم وكداني والصدق واضح وبينة براهينــــه = معروف راعيه للقاصين والدانــي من شان دايم يجمل كل نا صينـه = القول ما يخلفه في بعض الاحيانـــي المجد والمرجلة والعز يا زينـــه = تلقاه عند الرجال اللي لهم شانـــــــي وين الذي يفتهم في هرجتي وينه = ترى المعرفة لها سده وبيبانـــــــي كلام واضح موثقة مضامينه = خلاصة الفكر رمي فوق نيشانـــــي كلام صدق مثبته عناوينه = قاله رجل من قبيلة حــرب بدرانــــي |
الله الله
قاله رجل من قبيلة حرب بدراني كفو ياابو ناصر صح لسانك لك تحياتي وتقديري |
استاذي عبد المطلوب مبارك البدراني
صح السانك يابوناصر ويعجبني هاذا النوع من الشعر وانا اسميه(الزجر الحاد) شهادتي فيك مجروحه ولانته بحاجة احد لنك شاعر ياعبد المطلوب لك الوفا المجد والمرجله والعز يازينه = تلقاه عند الرجال الي لهم شاني وين الذي يفتهم في هرجتي وينه= ترا المعرفه لها سده وبيباني الشاعربدرالبدراني |
صــــح لسانك يا لاخ عبد المطلوب بن مبارك البدراني
قصيده رائعه وجميله وراقت لي
كلام صدق مثبته عناوينه=قاله رجل من قبيله حرب بدراني
تحياتي لك |
بسم الله الرحمن الرحيم
كــــــلام صــــــدق مـثـبــتــه عـنــاويــنــه قالـه رجـل مــن قبيـلـة حــرب بـدرانـي ابو ناصر لا اجد ماقول الا انه صح لسانك وعلا شانك باسقه وشامخه ومثمره بالحق لك الود |
الساعة الآن 05:37 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM