الليله الليله تزين التماثيل=يوم اختلط ريح ازرق العود والهيل
في حفلتن فيها زحول الرياجيل=والله يوفقني على جزل الاشعار
ومن راس حربيا وقوفه حموه=وبعداد برقا يروي العرق نوه
يامرحبا يااهل الوفا والمروه=بعداد ماهز الهوا غصن الاشجار
يامرحبا ترحيبتن تشرح البال=ترحيبة البدوان لاشافو خيال
لا لاحت بروقه عقب وقت وامحال=فوق الديار اللي شكت قل الامطار
ترحيبن احلا من حليب المصاغير=عربن مراتعهن قفار العثامير
برضن كساها الله بنبت النواوير=يطربلها الوبال وتشوق الانظار
فيها الزبيدي في فياضه مصاليع=وصوت ام سالم بالهوا له لعاليع
صوتن يسلي من بقلبه مشاريع=العاقل اللي شيبت فيه الافكار
مجيكم مثل السحاب المراديف=يبهج صدور اللي لمن جالهم ريف
مافيكم اللي بينهم يعتبر ضيف=من زايد الحشمه تراكم هل الدار
بسم المعزب ياهل الجود والطيب=رحبت فيكم يارجال المواجيب
وانا اعتبر نفسي محل المعازيب=بالماقف اللي كلفوني به احرار
راع الوفا عن واجبه مايتوانا=وشوفة هل الطولات غاية منانا
والله يبيض وجه حرا دعانا=راع الوفا راع الصخا راعي الكار
والمدح لاجاله بشعري مجالا=مدحت طلقين الوجيه الجزالا
اللي مواكرهم بروس الطوالا=جمال التخوت اللي يدوسون الاخطار
ابمدح اللي يكسبون الجزايل=من حرب ولا من عموم القبايل
اللي لهم وقت اللوازم فعايل=اهل الوفا والطيب وافين الاشبار
ابمدح اللي ذاع صيته على الطيب=باللازمه يحسب من اهل المواجيب
صخي كفن مالقيبه عذاريب=شروى الحرار اللي بذا الحفل حضار
وابمدح اللي لطاعة الله مماشيه=ورضوان رب البيت غاية مناويه
اللي من اهل الخير تعرف مواريه=شروى الحرار اللي بذا الحفل حضار
وابمدح اللي خوته ترفع الراس=اللي لمن خاواه فخرا ونوماس
راعي وفا وللطيب معلم ونبراس=شروى الحرار اللي بذا الحفل حضار
المدح يزهى الرجال الوفيين=وقولن بلياافعال ماله براهين
ولاينمدح غير الرجال الوفيين=شروى الحرار اللي بذا الحفل حضار