قصيدة لمشاري النثري
يالله ياللي قدرتـك فـوق احتمالات العقـل= عجزت تخيّلهـا العقـول إخفافهـا وإثقالهـا
ولا وصل علمـك جبـروت التقـدّم فالـدول =اللي ماتكبحهـا الظغـوط ولاتهـزّ إرجالهـا أسماك من عظمك إثقال ٍ حملها ماهـو سهـل= لـولاك كـان نفوسنـا تنهـار ماتشتالـهـا تعلم بما تخف ِ الصدور اللي بملهـا تشتغـل =وأنته على عرشك تعرف أسرارها وأعمالهـا يارب زوّدنا الصبر لا زاد بالنفـس الزعـل =حتـى الليالـي ماتهـدّ أحلامنـا بأهوالـهـا الوقت قام يسوقنا على العسر سـوق الجمـل= لين الديـار اللـي نبيهـا بيّـن إضمحلالهـا وأهل العزوم اللي تفوق إعزومها كوكب زحل =تموت غبن إليا حداهـا الوقـت دون آمالهـا ولاّ القلوب اللاهيـه يلعبّهـا طيـش الجهـل= ماهمّهـا عـز النفـوس المكرمـه وإذلالهـا الناس حسب إعقولها تعمل وتِجهـد فالعمـل ويّبيـن وجـه التجربـه بأفعالهـا وأقوالهـا لو كان تلبس من ثياب الطهر زاهيـة الحلـل= قلبـي يعـرف إطبوعهـا بإقفايهـا وإقبالهـا الكذب فاللي ما أسلمت بآخر ديانات الرسـل= والصدق فاللي يـمّ بيـت الله تشـد إرحالهـا والطيب تسعى له إرجـال ٍ لاتكـلّ ولاتمـل= وأهل الحظوظ إبلا جهود إحظوظها تسعى لها والكبر يطغى فالنفوس اللي معايشهـا الفشـل= ولاّ التواضع في نفـوس ٍ عالـي ٍ منزالهـا والعشق ليل ٍ يسهره من يرتجي فجر الوصل= إليا غفت عنه العيـون اللـي مايِحمـد فالهـا وإن عاش حلم المرتجي مابين ياس وبين أمل= تفنيـه دورات الزمـن بأيامـهـا وإليالـهـا الوقت يجري بالظـروف القاسيـات وينتقـل= والأرض قامت تختلف مع إختـلاف أجيالهـا وجه الكرم ماعاد له حق ٍ على وجه البخـل= ولايهـزّه قـدر شرهـات اللحـى وإسبالهـا وتبدلت بيض المعام النزه بسود العقل= اللي تورد للعرب باحجامها واشكالها حتى الحجاج المسفهل معقود ماهـو مسفهـل= أمسى من الدنيا يحسب إقصارهـا وإطوالهـا العمر مـرّه كـل مايـزداد يقـرب للأجـل= لو الهقاوي يتعبـون أهـل العـزوم إجمالهـا يالله عسى وجه السنين المقبله وجـه ٍ خجـل= مايخطي بحـق الآمـال ولايقـص إحبالهـا وإن خان قلنـا ( قـدّر الله وماشـاء فعـل = هذي حظـوظ ٍ للبشـر بأعمالهـا وأحوالهـا |
قصيدة دفاع عن الرسول صلى اللع علية وسلم
الشعـر ثروة هاجسن تتعب سوابيح الفكر = مثل الجواهر تحت غباة البحورالعاكـره وشوارد نفور الفرايد بالخيال المبتكر= يبقى صداها فالمســـــامع وتحفظها الذاكره والمجد مدحك للرسول وتاج فخرك لا انذكر= كن الفكر حاكم وتطمح للنصرعساكره والشاعربمدح النبي لو يحكروصوفه حكر=مثل العمى اللي ياصف الشمس بوحا مفاكره يشهر خيالي في سما مجده ويرجع للوكر=يبي كواكب طيبه ويرجع بيئس لما كره بعيوننا مثل النظرنقرا به آيات الذكر=وبصدورنا مثل الدم يغذ القلوب الذاكره شموخ مجده مايهزه نظره اصحاب المكر= نبينا يكرم عن ارذال الشعوب الماكره نفوسهم فيها الحسد وعقولهم فيه السكر= ويديـــنهم متماسكه وقلوبهم متناكره ونور الهدى بعقولنا مايحجب ولا ينكر=لو النهار تغيب شمسه والظلام ايباكره متجليآ بين الصحابه لإحتمى الجو وعكر= مثل الجدي حوله نجوم(ن) للرجم متجاكره أشدهم عمر وعثما ن وعلي وابو بكر=اللــي شموخ امجادهم مافيه فكر(ن)حاكره شعري تزكى بمدحته والحمدلله والشكر= اللي مايشكر ربه بيموت محد(ن) شاكره |
صح لسان الشاعر مشاري النثري مبدع كعادته
اخي الغالي البدراني 2007 v v v http://shml7rb.com/up/uploads/fdc51cda29.gif" border="0" align="right"> |
صح لسانك ولسان الشاعر النثري
اختيار جميل ورائع لك تحيتي وتقديري |
البدراني 2007 صح لسانك ولسان الشاعر النثري ويعطيك العافيه على النقل اختيار جميل تحيااااااتي وتقديري |
الساعة الآن 12:38 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM