يالي طلبتوا نبذة من قصيدي
 

الاخوه الاعضاء من يعرف اويستطيع نشر هذه القصيده التي منها شطر هاذا البيت 0

يالي طلبتو نبذة من قصيدي ومن قائل هذه القصيده 0 من يستطيع لايبخل علينا 00



تقديري للجميع

ستار البدارين

هذه قصيده للشاعر بدر الحويفي ارجوا ان تعجبك



ياللي طلبتوا نبذة عن قصيدي ***عن واقع المعقول لاانقص ولاازيد
انا غرامي وانبساطي وعيدي *** تفريعت القرناس بارض بها صيد
ليا شطب الصيحان روس الزبيدي ***والعشب جاله بالمفالي عناقيد
والبدو مايبدالهم بالشديدي ***تسعين ليله ماحكوا بالمواريد
ضيق بهم در الغنم والجميدي *** مايشربون الا حليب المجاديد
والبل وبرها طار وبدل جديدي ***ورودم على الفطر سوات المجاليد
من فظل ربي كل يوم تزيدي ***قامت عشايرها تسن المفاريد
والفجر تسمع للطيور تغريدي ***ليل الشتا طوله عليهن سراميد
هذيك والله منوتي ياعضيدي *** ليا جابه الله من صدوق المواعيد
مجهود من نو الجباه السديدي ***وحصل لها قبل العقارب تماديد
غثوه على روس الشجر والهضيبي ***ساق وتساقا للنفود وتخاديد
وفيظ على فيحان ريف البعيدي ***نبالنا بشعاف لوقه مطاريد
على وسوق مقربات البعيدي ***من فوقهن يازين مزح الاواليد
ليا فرع النادر وطلعه وكيدي ***وحول على جول الحباري تقل حيد
وسلط على الخرب النشيط العنيدي ***حاسه وداسه والحباري ملابيد
يقضيبها الصقار يوم جديدي *** في ساعة مابه وجيهن مقاريد
هذا هوا بالي وهذا رصيدي *** سوق النظر بين السهال الجراهيد
لو كان من طرد الولع ماستفيدي ***فتق بقلبي واعذروا يالاجاويد
نومي تحت طل النجوم الجميدي ***عندي كنب ومنجد زل تنجيد
لو لامني خطو الغشيم البليدي *** طرد الولع مابه عليه مناقيد
وشوف الفياظ المخظره يالحميدي *** وشمت ذعاذيع الهوى عندنا عيد
وللكيف ذوق ولستماع النشيدي ***لياقلطوا رسلان والا بغاديد
ثنتين هيل وثالثتهن عويدي ***وكلن على ماتشتهي النفس وتريد
وقدوعهن من طلع هدب الجريدي ***احسن نمونه من نما شرع الغيد
وسوالفن ماقيل فيها جحيدي ***بالصيد لا نمه ولاهي هرابيد
ساعات نقضيها ويوم سعيدي ***ولا دامت الدنيا لعامر وابا زيد
الدايم الله والفنا للعبيدي ***والرزق عند منزل الدر بالديد
محيي الهشيم اللي عروقه هميدي *** رزاق ما تحت الصخور الجلاميد
والله يصرفنا على مايريدي ***وصلوا على اللي وحد الدين توحيد


وسلامتكم
والمعذره ان كانت الابيات ماهي كاملة



ولك مني كل الود ايه الغالي

السلام عليكم ورحمة الله وبركاته
اخي /انجم البدارين
واخي الاكبر / حـــ المعاني ـــرف



اشكركم على الموضوع الرائع


واشكر مشرف مشاعر شاعر اخي حـــ المعاني ــرف على جلب ما طلبه منه اخوي نجم البدارين

واقول لمشرفنى ( هــــاذا الاشـــراف امـــا بــــــلآ )






~*¤ô§ô¤*~*¤ô§ô¤*~ولآتحرمنى من جديدكم ~*¤ô§ô¤*~*¤ô§ô¤*~



ولكم خأأأأأألص الود

الاخوان الغالين 00 حرف المعاني 0 ابن ساري 0 اللهبي



بيض الله وجيهكم ماقصرتو 0 وفيتو ولاهفيتو وهذا ليس غريب عليكم 0 سباقين للعلم الطيب0


لكم مني جزيل الشكر والاحترام,,,,,,,,,,,,,,,,,,,,

ستار البدارين بيض الله وجهك

واتمنى اني ماتاخرت عليك بالرد

حيث ان طلبك غالي ومن غالي



اللهبي
لك تحيه عطره


ودمتم