تو .. طين
وش عاد يا دار ٍ بها صار ( توطين )
وفي مكتب التوظيف سوسن و ميسون ! مديرهم مدحت و نائبْته نسرين وعلى الرسبشن حمّص و فول و زيتون ! كل ما اتصلت اسمع ( الو مرحبا مين؟ بدّك وظيفة ؟ .. مين دلّك على هون ؟ ) أقول أنا لي اتصل صار شهرين و انتوا وعدتوني متى بس توفون اسمي ( مواطن ) ( جامعي ) طيب و زين كني أبخطب عندكم و اتّغلون ! عندي شهادة طايحه بكبدي سنين عشش عليها شي له ستة عيون !! لو للشهادة لسان قالت ( على وين ناوي توديني .. تلف فيني الكون ؟ ) من كثر ما صورتها غارق بدين للهندي راعي المطبعة صرت مديون لا ليلي ليل ولا نهاري نوى يبين دقيت راسي لين ما صرت مجنون ! مطلوب خبره عالأقل في مجالين والا تجينا بواسطة و سير مدهون ! ولا أنثبر في بيتك .. افرك بكفين يومك يشابه امسك و عيش مغبون تعدادنا ويّاهم أربع ملايين واهل البلد للحين ما صاروا مليون !! ويلاه من باكر اذا وضعنا الحين واحنا اقل من الربع حالنا شجون ! و اللي ابتسم له حظه والله مسكين ! حصّل وظيفه .. بس في وين .. تدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهله بس في الأسبوع يومين واذا حسبتوا الدرب كم ساعه تبكون يعني في كل احواله ذاق الأمرين شغّال محزون و بلا شغل محزون و الأجبني اللي راتبه فوق عشرين فله و سياره و تذاكرو طاعون عنده بدل كل شي عالراتب الفين حتى بدل معجون اسنان و صابون ! و من بعد ما يجمع من بلادي فلسين و يربّي من القعده على الكرسي بطون و يصير في بلاده غني و عنده برجين يرحل و هو جاحد و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم .. و شفتين صبح و عصر .. لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري .. كلنا طين و الخل لو عاتب محبينه يمون داري و انا اولى بها من الغريبين ما يوصلون لحبها لو يموتون و ( الأقربون اولى ) .. كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها ولا يخون لكن سؤاله يوم قلتوا له ( توطين ) يا كيف بيد الغرب توظيفه يكون ؟؟!! شعارهم معروف ( راجعنا بعدين ) و باين من التأجيل .. انهم يخافون اذا معك خبره .. يا اهلين و سهلين و اذا شهاده بس .. عنك يصدون ما عندنا شاغر .. و بطلنا تعيين ولو تحرق الهاتف ترى ما يردون ! من وين اجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟ صح العيون صغار .. لكن يقدْرون سؤال يا دار ٍ ..صراحه بترضين ؟ اني اسافر و اطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره .. اذا كنتوا ترضون ! منقول |
السلام عليكم ورحمة الله وبركاته
مشكور أخي / الزعيم على النقل الرئع والاسلوب المتميز ~*¤ô§ô¤*~*¤ô§ô¤*~ولا تحرمنى من جديدك يا زعـــــيـــــم~*¤ô§ô¤*~*¤ô§ô¤*~ تقبل خأأأأأألص الود |
الغالي ابن ساري
شرفني مرورك |
الغالي الزعيم
السلام عليكم ورحمة الله وبركاته: في اختياراتك لمواضيعك طعم ولون يختلف ((كل ما اتصلت اسمع ( الو مرحبا مين؟ بدّك وظيفة ؟ .. مين دلّك على هون ؟ )) تقبل صادق الود |
الغالي ابن سعران
وعليكم السلام ورحمة الله وبركاته في رد ارى ( رسائل بين السطور ) اتفائل بوجودك.. |
الساعة الآن 01:56 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM