الليله الليله رميت النفس في ناراللهيب = محد يتعذر وانا عفونا العفو عند المقدره

بعد حضرنا الملعبة احذر عن اللازم تهيب = البني يبغاله عزاز اصحى عليّ تكسره

اليا مسكت خطامها اورد بها على القليب = ترى الحرير اليوم عند ه علم ويحين قدره
ويش انت شايف يا خوي الذيب قدمك رجل ذيب = ان كان عززت البناء انا ترى ماغيره

انته على ظنك وخذ قاف كما در الحليب = بير الروى فيها الروى لكن ماتقوى خطره
على الخطاء ما احدٍ يحدك وانتبه لي يا الحبيب = وانا عرفت العلم كلّه وانت ماجبت خبره

أن جت كذا والا كذا ما أظن لك فيها نصيب = الرأس مليانه سطر والحبر وسط المحبره
الشين ما هو دل لي والطيبة تجزى بطيب = وانته يالو اذانك كبار المنادي تزجره

فحياك الله وبارك الله فيك ، وتحية خاصة لك من بدارين الحناكية كلهم ، ولا انسى اخوي القدير الشاعر العذب أبو ناصر سفيرنا في وادي الفرع له خالص الشكر والتقدير على كل ما يقوم به من جهد واضح ومميز لخدمة هذا المنتدى ، وأبو ناصر اللي مايعرفه يحبه واللي يعرفه يحبه أكثر والله سبحانه وتعالى إذا حب عبده حبب الناس فيه .
أخوكم ومحبكم / أبووليد ،،