حالفٍ ماخذ على الطرقي ريالـه
السلام عليكم
قصيده للشاعر / راشد بن حسن بن الذيب العجمي
قالها إبن الذيب من هاجوس باله=كلمةٍ يلعب بهـا والبـال زينـي قالها يومه طرالـه مـا طرالـه=من هواجيسٍ تشيب المرضعينـي غرّني بعض الرجال بكثر مالـه==مادرى إن الموت في حبل الوتيني كيف ينفعني وبعض الناس خاله=ما يدوم البيت كان الساس طينـي ماش وين اللي عوايـده الشكالـه=مثل إبن ظافر حمد ليته يجينـي الثنا والجـود دايـم فـي خيالـه=علّمـه ظافـر سلـوم الطيّبينـي جـوّد العليـا ولزّمهـا عيالـه=وأدركوا من علمته دنيـا ودينـي واهني من باع حظّـه وإشترالـه=سار في درب النبي وأخزا اللعيني موقفـه ماكـل رجّـالٍ ينـالـه=ومن بغا ممشاه يقعـد مرّتينـي وكم ذبح من حايلٍ من حر مالـه=وعادته لطمة خشـوم العايلينـي حالفٍ ماخذ على الطرقي ريالـه=وبالثلاث محرّم إنها مـا تجينـي لا لقيت اللي على السكّـه لحالـه=يلتفت ويقول : وين المستحينـي أوقف الموتر حيا وأبغا الجمالـه=يوم ولد اللاش وجهه مـا يلينـي والطمع في كرّوة الرجلي رذالـه=خصّ به وإن جا مجال الغانميني والردي في حالةٍ ماهيـب حالـه=يا عوينه مـن كـلام الطيّبينـي الولد وإن طاب قالوا : من خواله=بالخوال يسـال قبـل الوالدينـي وأركبه لعيون من زيـنٍ دلالـه=ما تحاكوا في قفـاه الرامسينـي ما بغى غيري وأنا مابغا بدالـه=قاعدٍ لي بالرجـا مـدّة سنينـي ما قعدنا فالعمـل نبغـا الرزالـه=ناخذ العليـا طريـق الفايزينـي وأشرب الفنجال وأكـب البيالـه=طيّـبٍ وأحـب سلـم الطيّبينـي |
الاخ: هبوب الجنوب قمه هذه الابيات حكمه وجزاله صح لسان من قالها وتسلم يمين من جابها اختيار طيب وموفق لاهنت وقد اشتهر من هذه القصيده هذا البيت بين الناس :
الولد وإن طاب قالوا من خواله=بالخـوال يسـال قبـل الوالدينـي
تقبل الود |
هذا البيت اشهر من علم والكل يردده ..
الولد وإن طاب قالوا : من خوالـه بالخوال يسـال قبـل الوالدينـي يعطيك العافيه يابو عبدالله وماقصرت على النقل والاختيار الموفق ... |
الاخ ابوعبدالله صح لسان القايل والناقل يعطيك العافية صادق الود |
صح الله لسان الشاعر / راشد بن حسن بن الذيب العجمي على هذه القصيده الجزله وسلمت يداك يا ابو عبدالله على النقل الاكثر من رائع دمت بخير |
الساعة الآن 03:43 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM