علي زيد( للهرج حزاتاَوللصمت حزات)
بعض العلوم تكن في بعض الأوقات = والعقل هو ميزانها عن زللها الشاعر على بن زيد البدرانيللهرج حزاتاًوللصمت حزات =ولا كل من جاب السوالف عقلها وكلمة تحطك في دروب المتاهات =لاتقوها لو قالوا الناس قلها مانته مكلف لو لها عندك اثبات =ماهب شهادة حق تبغى اتحملها العمر عاريه والايام عجلات = ولافيه نفسا ماتواجه عملها والأدمي لهفي حياته محطات = وتغريه دنيا الغي باجمل حللها يركض بدنياه بربع الاتجاهات = لين ان روحه تنتهي عند أجلها ولو عاش بالدنيا سنينا طويلات = تقضي حياته غايته ماوصلها سنينه اللي عاشها تقل ساعات = تمره الدنيا سريعاً عجلها مثل الحلوم تمر بالنوم لحظات = لاشربت عيونه بنومه بللها يشوف فيها وجيه الاحيا والاموات = حتى اعظام الباليه شاف أهلها والناس كلن له هوايه وغايات = ولا أدرك رضاها من تحاشى زعلها وانا هواي مع الفجوج الخليات = اللي مرب الماشيه مانزلها ارضا مسا قيها من الوسم ناوات = لين اختلط حوذانها مع نفلها آخذ بها عن ضيقة البال سجات = ينساح بالي والهموم اعتزلها مبعد عن أهل الحكي وأهل الدعايات = اللي تزوم نفوسها من جهلها |
صح لسان الشاعر /// علي بن زيد البدراني ولاهنت اخوي ابوعبدالله على هذا النقل الرائع والجميل تحياتي وتقديري |
اقتباس:
يعكيك العافية ابو عبدالله على ما تقوم به من جهود ... و ارحب بالشاعر الرائع علي بن زيد البدراني بمنتديات البدارين بين ربعه يفيد ويستفيد . . حياك الله شاعرنا وياهلا ... وصح لسانك على القصيدة الرائعة والغير مستغربة من الشاعر علي البدراني قصيدة مكتملة في معناها ومبناها ... وللجميع فائق التحية والتقدير |
صح لسانك يابو عبدالله
وصح لسان المبدع علي زيد البدراني |
اخوي محمد جعيثن
تسلم يمناك يابو عبد الله على النقل الرايع وصح لسان الشاعر الكبير علي زيد البدراني ودمتم على العز الشاعربدرالبدراني |
الساعة الآن 01:30 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM