ارواحنا بافلاك الايام تومي
بسم الله الرحمن الرحيم السلام عليكم ورحمة الله وبركاته اقدم بين يديك احد روائع الامير الراحل محمد الاحمد السديري فقد قراتها واعجبتني واردت انا تستمتعوا بها واتمنى ان تنال اعجابكم
ينام منهو مايعرف الهمومي = وعيني اليا ناموا حريب لها النوم الله يلوم اللي لحالي يلومي =لا ساهرن سهري ولاهو بمهوم ماهو بمثلي يزعجه كل يومي = همن يلوج بداخل الصدر مكتوم لامبدين أسرار قلبي لقومي = واللي بسر الغيب ماهو بمفهوم أخاف أبوح السر تبدأ الثلومي = وتاقف على مكنون سري هل اللوم عاهدت قلبي ما يبوح العلومي = ولايويق بغايته كل مذموم بالليل أساهر ساريات النجومي = والصبح أعدى بالنباكل مزموم اوجس بقلبي مثل حر السمومي = ولا صفالي خاين الدهر لويوم يا سيف قم لعل حظك يقومي = ولعل ابوك بساعه الحشر مرحوم النار شبه ياقوي العزومي = وهات الدلال وترك النوم لرخوم خابرك بالطيب ودودورحرمي = قم سو مايبعد عنا كل شغموم فنجال بن مايحضره رخومي = مبهرن مابين الاجواد مقسوم ارواحنا بافلاك الايام تومي = مهما يطول العمر فالاجل محتوم روحي بيد فارض صلاتي وصومي = اللي بحبل اليسر ينجي لمضيوم الواحد اللي نطلبه كل يومي = منجين يوسف وهو قبل مظلوم دنيا الشقايا يا سيف ماهي تدومي = كم واحدن فيها مشيحن ومنجوم وافراح اليا قالوا تقافت غيومي = على شفا الباطن وهو قبل ماسوم حيثه مرب لكل وضحا ردومي = اللي بها زودن على الطوق برشوم عسا تعله مرهشات الوسومي = يمطر عليها الوبل يومن بعد يوم عشبه يغطي نايفات الحزومي = فيه الزهر فوق الزماليق منضوم مخالف النوار غادي سهومي = والعشب من وبل المراهيش كيهوم فيه ام سالم من طربها تعومي = تلفح بسمح الريش في كل مرجوم من الطرب في كل روض تحومي = وتقضي الدنيا زغاريت وسجوم ان شافت النوار نبته يزومي = ما سايلت عن حال معطي ومحروم وتقبلوا تحياااااااااااتي |
لامبديـن أسـرار قلبـي لقومـي =واللي بسر الغيـب ماهـو بمفهـوم أخاف أبوح السـر تبـدأ الثلومـي =وتاقف على مكنون سري هل اللوم عاهدت قلبي مـا يبـوح العلومـي =ولايويـق بغايتـه كـل مـذمـوم الاخ الغالي احمد حزام البدراني بيض الله وجهك على النقل الرائع والاميرمحمد السديري من الشعراء الذين ينعدون على الاصابع في شبه الجزيرة العربية لك كل التحايا ودمت بود |
الاخ ابو حـزام قصيدة جزله ورائعه سلمت ايديك على الاختيار الجميل الله يعطيك العافيه ودمت بخير |
الاخ عبدالمطلوب البدراني سررت بتنويرك للصفحة فتقبل تحيااااتي |
الاخ عادل البدراني اسعدني مرورك العطر وتقبل تحياااااااااااتي..... |
الساعة الآن 03:15 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM