لا تعتذر
لاتعتذر
لاتعتذر دامك على العذر مجبور=مالي على بعض المعاذير حاجه ما ينجبر يا صاحبي كل مكسور=كسر الخواطر مثل كسر الزجاحه كسرٍ عطيب ولا نفع فيه دكتور=لا طب شعبي ينفع .... ولا خواجه جيتك نبض واحساس صادق مع شعور=ورميتني في وسط موج وعجاجه جيتك وقلبي فارشه ورد وزهور = وقلبك لقيته طافين لي سراجه جيتك بكاس الحب ولهان مسرور =واسقيتني ملح ٍ أجاج وهماجة جيتك ونا كلي وله فيك مسحور =وصدك وبعدك كان حاصل نتاجه جيتك أببني لك دواوين وقصور =لقيته احساسك غريب ٍ مزاجه روح بطريقك وانتم ما انته بمعذور =كثر التغلي ياحبيبي سماجة ماعاد أفكر فيك مادمت مغرور =هذا جواب القلب وهذا علاجه =أبووليد ،، |
اقتباس:
جميل يا بو وليد في كل حالاتك صح لسانك واعتلا شانك لك فائق التحية والتقدير والاحترام |
الشاعر وابن العم ضيف الله البدراني
صح لسانك واعتلا شانك |
الشاعر ضيف الله متاور البدراني
صح الله السانك يابو وليد |
العمدة أبو ناصر صح بدنك والأجمل هو مرورك وحضورك الدايم معنا لك كل الشكر والتقدير |
الساعة الآن 06:30 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM