السحاب اللي من القبله نخيل
السحاب اللي من القبله نخيل = سال سيله وارتوت من الهمل وانت ياللي ماتعرف المستحيل= مابقى الا تحصي اعداد الرمل كان ماتقدر على فعل الجميل= لاتحيرني بنظرات الامل افتح الابوا ب للكف الجزيل= مايشيل الحمل ياكود الجمل الضمير الحي مايبغى كفيل= سنته بالوقت هيا للعمل شد حيلك وانقل الحمل الثقيل= النشاما ماشكت جور الحمل العرب قالوا من الوقت الطويل= من تردد في حياته ماصمل شب نارك واقدح بروس الفتيل= خل نورك في محيطك يكتمل ناظر بعينك ودور لك دليل= خوذ عبره من تصاريف النمل قلتها والشاهد الله والوكيل= كل شيٍ بالليالي محتمل |
صح لسانك ياصنت وبيض الله وجهك
قصيدة رائعة روعة حضورك لك فائق التحية والتقدير |
الساعة الآن 06:52 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM