الحمد لله مالك الملك نجاك
الحمد لله مالك الملك نجاك
بديت باسمك يا عليم بالاقدار=يا خالق خلقه ولا شيء يخفاك نطلبك فضلك وانت للذنب غفار=مكون الاكوان ومدير الافلاك يا شافي ايوب من كل الاضرار=من بعد ماقرّب على حبل الادراك تحفظ ولاة الامر من شر الاشرار=أهل النفوس اللي بها الظلم ينحاك خوارج صبوا غضبهم على الدار=عاثوا فساد وقتل للناس واهلاك ومفجر نفسه يبي علم ما صار=يرمي بنفسه دون تفكير وادراك محمد ولد نائف ابن شعبنا البار=الحمد لله مالك الملك نجاك مبروك يا حكامنا نسل الاخيار=وللشعب أهنيء بعد ما ربنا اذراك والشعر له وقفات في كل مضمار=ويستاهل البيضاء سواتك وشرواك مجار يالضرغام يا نسل الاحرار=عناية الله يا ابيض الوجه ترعاك سيفك على اهل الغدر والبوق بتار=جميع خوان وغدار يخشاك مفتوح بيتك مدهل الضيف والجار= وزبن الدخيل اللي لفاك وتنصاك وكم واحد من بعد ماشاف الامرار=مديت له ياطيب القلب يمناك شجاعه وحكمه وقوه مع اصرار=تاطا على اهل الفسق والظلم بحذاك وما هي غريبة منكم طوال الاعمار=عسى قليل الدين يا الظفر يفداك حفيد شيخ فالمواجيب صبار=حمى الوطن من كل مجرم وسفاك عبدالعزيز الله يجيره من النار =وانته عسى ربي يجيرك ويحماك والنائب الثاني عزوم ومغوار=رمز الوفا والعز والطيب يبراك سيفه شطير يقص به كل غدار=يا اللي نويت الغدر سيف العدل جاك وصلاة ربي عد همال الامطار=على نبي حطم اصنام الاشراك الشاعر /عبدالمطلوب البدراني |
الأخ الغالي أبو ناصر صح لسانك وبيض الله وجهك قصيدة جزلة وفي قمة الإبداع اسجل اعجاااااااااابي الشديد بهذه القصيدة التي عانقت فيها السحاب لأنها نابعة عن غيرة حقيقية لهذا الوطن ورجاله المخلصين . والله يحمي وطنا وولاته من كل غدار تقبل تحياتي أخوك أبووليد ،،، |
اخوي ابو ناصر دائما مبدع لاعدمنا تألقك دمت كما تحب تقبّل مروري اخوك / دايم |
اقتباس:
ابو وليد صح بدنك ووجهك ابيض ولا هنت سعدت بمرورك العطر لك فائق احترامي |
الاخ العزيز الشاعر /// عبدالمطلوب البدراني
صح لسانك ويعطيك العافيه مشاعر صادقه ونابعه من القلب وقصيده جدااااااا رائعه تحياااااتي وتقديري |
الساعة الآن 05:11 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM