عيني لها صنف
عيني لها صنف وألوان تولعها=والعين بنظارها ترمي بزمهريري نويت عصيانها وأصبحت طايعها=لين أحدرتبي من الطيه على البيري صارعت لي هموم ماغيري يصارعها=خلن ظميري مواريد ومصاديري والبادية يعلم الله يوم أتابعها=من شان من يصخرون البيت تصخيري ناس(ن) تصوّر معانيها طبايعها=في وسط بيت الشعر وزان المغاتيري وضح(ن) تهيّض شجون اللي يطالعها=وحيل(ن) تهادر على عيال المصاغيري ضافيت(ن) خدودها وسند(ن) مفارعها=وعلى جملها يروجن المعاشيري يرتاح شرايها وتغبن بايعها=وتستاهل اللي لها يدفع مخاسيري اهل الطمع ما تخلا من طمايعها=ويزين في البر سجات المساييري مع شبت النار في عالي رفايعها=وفي راس تل(ن) مربا للخواويري ودلال(ن) مصاطرات من مصانعها=وحيل الصنايا مبطلت المعاذيري في مجلس شيوخ ربعي فيه مجمعها=فتالت الراي معطيت المعابيري اللي هروج النمايم ما تزعزعها=روس العرب ماعلينا من المخاسيري وإلا الرديين ماطمع طمايعها=ونعدهم بين خنات الغناديري وان جبت منهم علوما قلت شمّعها=بسلوم ما نواخذ الصيني والانجيري اللي على زلتي عجلن تسرّعها=تدخل مداخل ابليس ابو زماميري ناساً على الخايرة ترخي مسامعها=واهدافها يصير بالغالين مايصيري لاطاع ربي بدينه من يطاوعها=ولاني بحاله لونه ينفخ الزيري الشاعر فلاح مشعل البدراني والقصيدة فيديو http://www.youtube.com/watch?v=ilT46...ayer_embedded#! |
صح لسان الشاعر فلاح مشعل البدراني ويعطيك العافية على النقل الرائع لك تحيتي وتقديري |
صح لسانك ولسان ابو محمد شاعر كبير وننتظر المزيد من قصائدة... |
صح لسان الشاعر/// فلاح مشعل البدراني
قصيده راااائعه جداً شكراً لك على هذا النقل الجميل والرائع تحياتي وتقديري |
الساعة الآن 10:15 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM