( مطعون )
( مطعون ) قالوا وش اللي معجبك في هـواهـا دوّر عـلـى اللـي للـمـشـاعـر يـراعـون قـلـت الـحـقـيـقة ماذبحـني سـواها عــز اللـه إنـي بالحـشـا مـنـه مـطـعـون واللي بسط أرضه واعلى سمـاهـا مـن يـوم شـفـتـه حـالـتي دون فـي دون طـيـفـه مـلازمني وعـايش مـعـاها أسـهـر لـحـالي والـخـلايـق يـنـامـون يا اللـي تلـومـوني عـساكـم فـداها يـا لـيـت فـي نـار الـمـولـّــع تـحـسـون لو بـوصفه لا يمكن ألـحـق مـداها واخـاف مـن كـل الـعـذارى يـغـارون أحلى صفات الحور ربـي عـطـاها ما شـفـت مـثـله يا عـرب نـد في الكون أبــو جـديـل ٍ فـوق مـتـنـه كـساها والـجـسم عـود الـبـان ناعـم ومـوزون والـخـد لون الورد يسعد مساها واوجـانـهـا زادت عـلى زينـهـا زيـون أدعج غنج تذبح غصب من يراها ورمـوشـهـا فـيـهـا تـعـابـيـر ولـحـون والمـبسم اللـي لا حـله مـا نساهـا واسـنـانـهـا اللـولـو كـمـا الدر مكنون واللـه لـو بـذكـر مـزايـا حـلاهـا وازيد في وصف الغضي غير تبكون ما شوف أنا من توصل لمستواها مـهـمـا تـعـذلـونـي ومـهـمـا تقولون اللي خذت قـلـبي على الله جزاها مـهـما يجـي من عندها أقول ممنون فـي حـبهـا مغرم واهيم بـهـواهـا في حبها غصب ٍ عليّ صرت مجنون ويا من سمع في قصتي أو قراها لا تلوم عاشق في هوى الزين مفتون شعر / ضيف الله البدراني (أبووليد) |
http://www.up4vip.com/up/uploads/0f8da85dbf.gif لسرعة التسجيل وتفعيل العضويه 1ـ التسجيل باسم لائق ويفضل الاسم الصريح (يلزمك التاكد من كتابة بريدك الالكترني ) 2 ـ تنشيط العضويه من بريدك الالكتروني (في بعض الاحيان تجد رسالة المنتدى في الجنك ميل ) 3ـ الاتصال بالرقم 0557011908 لاعطاء المعلومات والتي ستبقى سريه لن يتم الافصاح عنها |
الساعة الآن 08:26 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM