قصيدة نبطية قلتها بالاهلي عام 1420
اخواني الرياضيين بمختلف ميولهم هذه القصيدة
قلتها سنة 1420 عندما كان مدرب الاهلي امين دابو وكان الاهلي مرصع بالنجوم لن اطيل عليكم فقد قلت القصيد لمدير العلاقات العامة في الاهلي ولم اوفق في ايصالها للجمهور في ذلك الوقت والان اجدها فرصة لتصلكم وارجو ان تحوز على رضاكم فالقصيدة اليكم اذا لك ميول آخر فأنا احترم ميولك بديت بسم اللي له الخلق يرجون ----------------- الواحد المعبود رب البرية واثني سلامي للذي جو يحضرون ----------------- بالقلعة اللي جمعتنا سوية في صرح عز دايم الدوم مصيون -------------------- ربي لنا تحميه عن كل سية من المدينة جيت ماني بممنون ---------------------- وزيارة الاحباب واجب عليه فيه الرجال اللي على الطيب يمشون --------------- على سراط الحق في كل نية سلايل كحيلان ياللي تخبرون ------------------- عبدالله الفيصل يازبن الونية به نفتخر والغبن للي يحسدون ----------------------- رايد رياضتنا من الاولية اسس لنا صرح له الحب مكنون ---------------------- سيد النوادي له سلام وتحية وابنه محمد صار دايم له العون --------------------- اناشهد انه طالعن له حلية بنا فريق مكتمل كله فنون --------------------- كل النوادي منه تاخذ شوية وخالد العبدالله الصقرمايهون ------------------- حبه للاهلي صدق مافيه زيه ومدربين اكفاءللي يقودون -------------------- ابن البلد لامانجيب اجنبية وصقورنا وسط الملاعب يفادون ----------------- وسط دفاع اهجوم كلن ضحية دفاعنا سد منيع ومامون ---------------------- بقيادة سليمان درع وحمية والاظهرة دوليتن وش تقولون ------------------ عبدالغني ولا محمد شلية والقايد الفنان مسعد نابليون ---------------------- خلا الهدف عند المهاجم هدية والقهوجي قهوة بها البن موزون ---------------- سكر زيادة وشربوها هنية والكاتو بحب المهارات مفتون ------------------- اغلب كراته بالشبك لولبية كتاب قامو بالجرايد يشيدون ------------------- بالقلعة اللي كبر هضبة طمية وختامها ياللي خضرتم تصلون ------------------- على الرسول اللي محى الجاهلية ---------------- وسلامتكم------------- |
الغالي ابو نوره
صح لسانك وتسلم يمينك ماشاء الله تبارك الله شاعر كل شي صراحه انا لو ماني متعصب للفريق اللي اشجعه بقوه كان قلت لك انا اهلاوي تقبل اصدق الود |
الاخ ابو نوره
عندما اشاهد اسمك متواجد يمر بمخيلتي مجموعه من المبدعين 00 الاهلي قلعة الكئوس وله حق على جمهوره و الشموليه مطلوبه بالقصيد00 تقبل احترامي0 |
أخــــي ابونوره صح لسانك وعتـــلا شانك لاهنــت على القصيدة لاعدمناك |
الاخوة الكرام
اشكركم على التفاعل مع القصيدة ولاتلوموني في الاهلي مع انه ياما رفع ضغطي لكني اتبع نداء قلبي وانتم بمختلف ميولكم انا احترم كل نداء تتبعه قلوبكم ولكم جُل التقدير |
الساعة الآن 02:52 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM