ياللي تبيع الحيا قدام خلق الله
ياللي تبيع الحياء قدام خلق الله= ماتستحي تفعل المنكر ولا تبالي رميت ثوب الشرف بافكار مختله = وصبحت مثل الهنوف بزول رجالي فضحت نفسك على جمع الملا كله = هزيت جسمك طرب مع كل موالي عاري من اللبس لكن تلبس الذله = منزوع منك الحيا ياشين الافعالي تلعب طرب من خواء راسك مع الشله = عرضت نفسك لهم بالمنظر البالي مثل البهيمه بلا غيره ولامله = تنقاد لهل الخناء بسلوك وحبالي وصحابك اللي معك ترقص من الفله= تضحك على حالتك في موقفٍ سالي وشلون مايردعك ساسٍ تمثله= وابوك مسلم عريب الجد الخالي رباك يوم الشقاء يبغاك عونٍ له = لكن خيبت ضنه باول وتالي امك تصفق عليك ودمعها تهله = وتقول ياليت ماانته من حدى عيالي ليتك من اقصى عرب ماينعرف دله = والا سقيمٍ عليه من الله اظلالي جبت المصايب لها والضيق والعله = غير المهونه لها ضحكت الانذالي شباب هذا الزمن ياناس منحله = اوضاعهم ماتسر بكل الاحوالي ماذم كل البشر لكن ياقله = اللي يشد النظر في زين الاعمالي سبحان من يعصم المسلم عن الزله = سبحانه اللي على كل البشر والي |
صح لسانك وأعتلا شانك يا صنت
قصيدة رائعة لك فائق احترامي |
الساعة الآن 06:02 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM