قصيدة وردها
محمد عويض البدراني= الحـظ يالغاليـن عيـا لا يـزيـن=مير السموحـه يارفيعيـن المقـام مقداركم يبقى على طـول السنيـن=والشاهد الله فوق فـي ذروة سنـام لو نختلف بالـراي ماينعـد شيـن=الصـدر مليـانٍ لكـم بالاحتـرام حاولت اعدل ميلهـا عيـت تليـن=مانيب بكاسرها مثل كسر العظـام عيا يفيد المـزح بالقلـب المتيـن=أمزح وكني مخطـيٍ درب النظـام الوضع ماهو راضيٍ معيـه يبيـن=عجزت احق الشوف من كثر الكتام استـاذن محمـد شويـر الطيبيـن=اللي رقا للمجد مـن فـوق الغمـام وايضاء بعد علي الفريدي العويـن=اللي رقا بالصرح من فوق العـدام وايضاء السحيمي والغيادين اثنيـن=ومضحي وبن موسى على القمه تمام ورائـد التوقيـق والعلـم اليقـيـن=اللي سطع بالذكـر مافيهـا كـلام ولانسى صنت وبن جهز يالعارفين=ربعٍ لهـم بالطيبـه غايـة مـرام ادري نسيت ربوع ميـر الله يعيـن=أهل مواقف لاحصل يـوم العسـام الذاكـره ماهـي بدايـم باليـديـن=مير السموحه يالكرام ابنـا الكـرام تلقى محمـد مايمـر مـع القريـن=أما سكـن جـده والا فـي جهـام ماهو زعل لوكان تبغـون اليميـن=ماخوفه الا الصف يلقى بـه قسـام يا الله عساكـم بالسلامـه سالميـن=يامنتدى من شفـت بلغـه السلام
صنت عوض البدراني= [poem=font="simplified Arabic,6,black,normal,normal" Bkcolor="burlywood" Bkimage="" Border="double,4," Type=0 Line=0 Align=center Use=ex Num="0,black""]تسلم لنا يالقرم ياسمح الجبين = تبقى على طول الليالي ماتضام ياحبني لهل الوفاء واهل الثمين = اللي مشاعرهم من خيار الكلام اللي سوالفهم تسر السامعين = شرواك يستاهل من القوم احترام يامحمد عويض عشير الصالحين = انا حزامك وانت بالشدة حزام انا اشهد انك بالزمن حصنن حصين = ماخاب من ينصاك في وقت الزحام لولا تكاتفنا كلونا الطامعين = صرنا على حلوق العدا مثل الطعام لايضيق بالك ثم تاخذ شرهتين= لو كل مانزعل طوينا بالخيام ضاقت علينا الارض والكون اجمعين = كل الليالي عندنا ليل وظلام نتعب ركايبنا وحنا سارحين = وليا ضوينا كن ماذقنا طعام حنا على حبل الوصل متكاتفين = مهما يصير اكيد يجمعنا نظام طبع لنا معروف من قدم السنين = شقر العصا مانقبله قوم حشام واللي حصل مابين خشم وبين عين= لحظه قليله ثم ينزاح الغمام يابو يزيد اقول حنا خابرين = كل السوالف مزح وتعود تمام الصيف جوه حار يثر يامعين = اكيد صاير بالوضع سوء افتهام وختامها عطر الشذى والياسمين = ارسلتها يمك على سلم الكرام |
صح لسان الشاعر محمد عويض البدراني
وصح لسانك يا صنت قصيدتان في منتهى الروعة والجمال لكما فائق التحية والتقدير |
|
صح لسان الشاعر // محمد عويض وصح لسانك ياصنت مبدعين قصيدتين ولا اروع
|
صح لسان الشاعر محمد بن عويض والشاعر صنت بن عوض وبارك الله فيكم وتقبلو مروري ...
|
الساعة الآن 09:07 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM