الواتــس اب والقــروب
خلاص ماعاد يجمعنا ياغير القروب والناس ما تلتـقي إلاّ بوتسبـّـها نركب قطار التطور اسرعوا بالركوب ون فات نفسك تراك بتبلش بطبّها لغة تواصل تخاطب بين كل الشعوب مدري حداثة غدت نشبة وننشبّها نصدق اللي يجي ولانعرف الكذوب السالفة كل من جاته يبى يذبــّها ون جيت في مجلسٍ ودك بصدر ٍ رحوب محدٍ سمع سالفتك ولحد رحبــّها تقول بعض العرب عنه الكلام امحجوب لو العجيبــة تمرّه مــا تعجبــّها معاد فيه انتقاد ولانعرف العيــوب ناسٍ تشيل العيوب ولا تعايبـّها بلاك بيري جلكسي آيفون لاب توب وتويتر وفيس بوك غرّد بها وعبـّها وليا بليت بهذولا لاتجيب الذنوب دوّر وصيّة نصيحة ديننا حبـّها لاتصير غصنٍ ليا مرّت عليه الهبوب تميّله بتجاهٍ حسب مهبــّها جوّد طريقك ليا كثرت عليك الدروب والنار ماينمزح معها ويلعبــّها هذي نصيحة بعدها قوم عجّل وتوب دامك سمعت الوصية عجّل ولبــّها |
اقتباس:
فهد نفيع البدراني صح لسانك وعلا شأنك وسلم بنانك قصيدة رائعة روعة حضورك وكا تفضلت تلك الوسائل للتواصل أخذت من الناس الوقت ورغم منفعتها وايجابياتها لها سلبيات قد تطرقت لها في هذه القصيدة العازفة النازفة وفقك الله وسلمت يا ابن العم لك فائق التحية والتقدير |
صح لسانك فهد نفيع ودمت بود
|
.
|
هلا ومرحبا فيك الشاعر فهد نفيع وصح لسانك مليوووون قصيده رائعه ومعبره
تحياتي وتقديري |
الساعة الآن 05:15 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM