(عفاس)... لافي حمود الغيداني
هذه القصيدة هي الاخرى رثاء في / عفاس ذعار البدراني
للشاعر الكبير / لافي حمود الغيداني
لك الله رحلت بعزتك ماانحنى لك راس=من اول انفاسك عزتك لآخر انفاسك رثيتك وانا مانيب عندك اعز الناس= ولاني عليك اكثر حزن من حزن ناسك تذكرت ذيك السالفة ياقوي الباس=رغم قسوة ظروفك قسيت وقسى باسك تذكرت جلستنا وسيرة هكالمجلاس=تذكرت وعدك لي من طيب نبراسك رحلت بكلام(ن) ما كتبته على قرطاس= تبيني بكلمة راس؟؟ مير اختفى راسك لو ان المنى ينفع تمنيت يا عفاس=يرجع بك الله روحك اشوي.. واحساسك على شان لو ترجع بك الروح والاحساس=تكلم معي وانشدك وش كان هوجاسك رحلت وتركت لقلبي الحزن.. والهوجاس= لحقك الرجاء واللي بقى عندنا ياسك تركت الاساء يقتات من قلبي الحساس= لعلك مع الابرار والسندس إلباسك ترى الروح بالانسان غرسة ..لها غراس= غرسك .. وغرس بك روح.. واخذك غراسك رحم الله موتانا وموتىالمسلمين اجمعين |
الله يرحم عفاس ويسكنه فسيح جناته والله يجعل مثواه الجنة و جميع أموات المسلمين والله يعطيك العافيه ياخي تركي على نقل القصيدة ودمت بالف خير |
الله يرحم عفاس ويسكنه فسيح جناته
والله يجعل مثواه الجنة وشكرا ياتركي على مشاركتنا هذه القصيده والتي تدل على وفاء الشاعر للمرحوم ان شاء الله والرثاء لايكتب الابالرجال الذين ظهر لهم افعال واقوال تشفع لهم0 لك الود |
|
رحم الله عفاس وادخله فسيح جناته وموتى المسلمين كذلك ولا يبقى للميت إلا العمل الصالح والذكر الطيب وصح الله لسان الشاعر الكبير / حمود لافي الغيداني على قصيدته |
الساعة الآن 01:53 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM