احدٍ يمشيها على دق وجــــــــلال *** واحدٍ يمشيــــها علــــومٍ جــــــــلالي
ميزت بالدنيا وجربت الاحـــوال = وعرفت فيـــها مكسبي وراس مـــالي والله يالو الدم بالارض شــــلاال = إني ما اســـــاوم بالرفيــــق المــــوالي لو يتعقد حبلها يجيك حــــــــلال = اللي يحـــل المشـــــكلات العضـــالي ما يحلحل الصعبات ياغيرعقال = ولا يعدَل الميزان غيــــر الرجـــــالي دايم على المشراف يبدون الابطال= وينعد فعـــــل اللي يحمي التــــــوالي انا لاشفت الناس طالع ونـــــزال = اعرف طريقي بيــــن عدل وميــــالي ما كل من تصدر القوم رجــال = ولاكل رجـــــال فعـــــوله جــــزالي لو الرجوله لبست بشوت وعقـــال = كان اتساوى شمســــها والضــــلالي احدٍ يمشيها على دق وجــــــــلال = واحدٍ يمشيــــها علــــومٍ جــــــــلالي وهذا مثل مسبـــــوق به قبلنا قــــال = ابن زويبن سطره بالمقــــــالـــــــي نصيحةٍ عبّر بها عبـــــــــر الامثال = يقول خلك للرفــــــاقة شمــــالـــــي وإن كثرت الاقوال في اقفــاي واقبال= خلك كما ضلع طويل وعـــــــالي وابحث عن الدرب الذي يشرح البال= وابعد عن دروب الردى والخمالي ومع ابن عمك لو طال الجفا طال= لازم يجي له يوم عنّك يســــــــالي واجبك لاشفــت الدهر يمّته مـــال = تشاركـــه في كـــــل مرٍ وحـــالـــي حتى ولو قفى ولا جاك مرســال = انته حمـــوله عنه ترفى الهيــــالـــــي وصلو على محمد عدد برق الخيال= عداد ماهــلت مــــزون الخيــــالـــي |
صح لسانك مليوووووون اخوي ابوناصر ولاهنت على هالرائعه نص رااااائع وجميل احترامي وتقديري |
الخ الشاعر الاعلامي: عبد المطلوب مبارك البدراني
صح لسانك قصيده رائعه يعطيك العافيه تحياتي لك.... |
بسم الله الرحمن الرحيم
ومـع ابـن عمـك لـو طـال الجفـا طــال لازم يـجـي لـــه يـــوم عـنّــك يـسـالـي واجـبـك لاشـفـت الـدهـر يـمّـتـه مـــال تـشـاركــه فــــي كــــل مــــرٍ وحــالــي الاخ ابو ناصر نصيحه ثمينه صح لسانك لك الود |
اقتباس:
صح بدنك ويعطيك العافية على مرورك العطر لك فائق احترامي |
الساعة الآن 08:10 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM