دمع الحزن
ياعــيـونـي لاتـخـفـيـن الـدمــوع = اذرفي دمع الحزن حتى الصباح لاتخـافـي من مشاريـه الجمــوع = الله اللــي يـعـلـم ابسـر الـنـيــاح كل ماشفـتـه من الـدنــيا يــروع = يفجع اقلوب المجنن والصحاح احترق قلبي وطفـيت الشمــوع = وانقـفل باب الفـرح والانشـراح من فقد غالي من فراشه يفـوع = ماتهنا فـي مــنامــه ماســتراح لو رقــد نومه على كـفٍ وكــوع = كنه اللي يجـــرع السم الذحـاح لوبغى يسلى عوى ذيب الضلوع = ولجت اضلوع الجسم والسد باح المــعــنا من مقــاديـره جـــزوع = تكبر اهمومه مع انسام الريــاح المشاكل بالحشاء تسعين نوع = كلها تمشي على خــف وجنــاح |
الاخ صنت
صح لسانك وعلا شانك لك الود |
الاخ صنت البدراني
صح لسانك وعلاشانك وبيض الله وجهك لك فائق التحية والتقدير |
الساعة الآن 06:56 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM