البارحة
البارحه حالي كما حال سعدون =إبن العواجي يوم شاف اليتاما وإلا كما شيخ القحاطين محزون =شالح بن هدلان ريف النشاما جوه النكف والذيب بالقفرمدفون = وباحت إسدوده يوم سمع الكلاما واسترسلت عينه علي الدمع بجنون = صابه مصاب ياعرب مايلاما والاكما يعقوب بالحزن مفتون = يبكي علي يوسف بحال النداما والاكما مستيسر دونه احصون =محذوف بالسرداب وسط الظلاما من روعة خلت ادموعي يهلون = فجعة خبر شلت صليب العظاما فقدت عمي وانتثر كل مكنون =حتي نفس روحي شهق وإستهاما ماعاد لدنيا طعم ياالله العون = عقبك يابن نقأ عليها غثاما والله مانسى عمي عبيد بالهون =حتى بقبري تحدروني بخاما شيخ على ربعه كما ريف المزون = ماقال مالي بالمشاكل غراما في مجلسه تلقى الجماعة يحضرون =يجمع قلوب الناس لو هي خصاما ويشيلهالوهي كما الضلع وتهون =وتصبح مثل ماقيل برد وسلاما وجاره عزيز دايم الوقت مصيون = داله عن ربوعه بطبع الكراما لعل قاع تسكنه ينبع اعيون =انهار تمشى جاريات تزاما رياض خضراء بالزهر زاهية لون =متخالطه مابين ورد وخزاما ويفسحلك الرحمن بالقبرللنون =وبجنة الفردوس ترقي السناما وتلبس من الرحمه عن النارمردون =وتجالس الابرار بأعلى مقاما وصلاة ربي عد مادار مسنون =وإعداد ماقاموا وغطوا نياما علي النبي الهاشمي صفوة الكون =شفيعنا بالحشر يوم القياما 9- 1- 1427 سند مازن المعمري |
بسم الله الرحمن الرحيما
السلام عليكم ورحمة الله وبركاته الاخ ابو احمد لقد اجدت فعلا وابو نقا يستاهل رحمة الله عليه وايضاح للاخوان المقصود هو عبيد بن نقا البدراني من البراكيه (يرحمه الله ) رجل عرف عنه الكرم وحب الاخرين عرفته منذ ان كنت صغيرا فكان نعم الاب ونعم الاخ ونعم الصديق جمع بين الاخلاق الحميده والكرم وطيب النفس والتواضع يحب الناس والاجتماع ويحب زيارتهم والاهتمام بامورهم فشكرا لك يابو احمد على نشر وفاءك فى هذا المنتدي وتقبل تحياتي |
بسم الله الرحمن الرحيم
شاعرنا سند مازن المعمري السلام عليكم ورحمة الله وبركاته: شاعرنا الرائع صح لسانك
والله مانسى عمي عبيـد بالهـون =حتى بقبـري تحدرونـي بخامـا شيخ على ربعه كما ريف المزون =ماقال مالـي بالمشاكـل غرامـا في مجلسه تلقى الجماعة يحضرون =يجمع قلوب الناس لو هي خصامـا ويشيلهالوهي كما الضلع وتهـون =وتصبح مثل ماقيل بـرد وسلامـا وعبيد بن نقا البدراني من البراكيه (يرحمه الله ) من اعلامنا و يستاهل المدح حياك الله في منتداك وتقبل احترامي |
السلام عليكم ورحمة الله وبركاته
اخووووي سند صح الله لسانك على النظم الرائع لرثاء ابو نقا رحمة الله عليه واسكنه فسيح جناته اخوك ابن مفلح |
والله مانسى عمي عبيـد بالهـون حتى بقبـري تحدرونـي بخامـا شيخ على ربعه كما ريف المزون ماقال مالـي بالمشاكـل غرامـا في مجلسه تلقى الجماعة يحضرون يجمع قلوب الناس لو هي خصامـا صح لسانك أخوي سند بن مازن وبيض الله وجهك على القصيده الرائعه ويستاهل عبيد بن نقا المدح (الله يرحمه) تحياتي 0 0 0 |
الساعة الآن 07:15 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM