الشاعر مستور العصيمي
قال الشاعر / مستور منسي العصيمي يمدح الرائد محمد ناصر البدراني
سلام وسلوم العـــــــرب ماتغيّر **** تبقى لــــــو ان الوقت يكثر عجاجـه تسليمتن من طيبها ماتخـــــــيّر **** غير ابلجن يلمع على المتن تاجـــه يطري عليه كل طيب وخـــــــيّر **** قرمن لياجيته ضحك لي حجاجــــه والا الردي ياجّعل عمره قصـــيّر **** اللاش لاش ولاش لي فيه حاجـــه اطب في سوق الغلا واتخــــــيّر **** واشرب قراح الماء واخلي هماجــه وابن ادم مسيّر ولاهو مخــــــيّر **** يمشي كـــذا ويواجه اللي يواجـــه ومن رافق اهل المعرفه ماتحيّر **** مـــايدخل الا لين يعرف خراجـــــــه مثل ابلجن عن لازمه ماتنــــــيّر **** واليابغيته ماتعكـــــر مزاجـــــــــه ربعه قبيلة حـــرب ريف المسّّير **** كسابة الامداح يـــــوم المواجـــــه حرابهم يــــــــــوم الحرايب تذيّر **** يوم المصامـــخ والرمك واعتلاجــه ومدح الرجـال اهل الوفاء مايحيّر **** قلته وانا مالي ورى المدح حاجــه |
بدراني وفتخر
تسلم يالغالي الرايد محمد بن ناصر البدراني تسلم يارافع روس ربعه بالعلم الطيب ياعلم الله انك رفت روسنا والعلم الطيب مع الرجال مرجله يابو ناصر ولايستغرب الطيب عليك لنك طيب ولد طيب وساسك طيب تبقى لنا ذخر وفخر الشاعر مستور العصيمي صح لسانك وبيض الله وجهك ونعم فيك وبربعك الشاعربدرالبدراني |
بسم الله الرحمن الرحيم
ونعم بمحمد بن ناصر وكذلك بالشاعرمستور ومن حصل على العلم الغانم يستاهله لك الود |
بيض الله وجهك يابدراني وافتخر ويستاهل
المديح الممدوح ومن حصل شي يستاهله وصح لسان الشاعر /مستور العصيمي |
‘‘ البدراني و افتخر ‘‘ بيض الله وجهك على النقل الرائع وهذه قصيدة جزلة بمعنى الكلمة لا يكتبها إلا شاعر متمكن أمثال مستور العصيمي شاعر ومن قبيلة نكن لها كل الإحترام والممدوح يستاهل المدح
|
الساعة الآن 12:30 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM