أحس كل الناس ضدي !!!!
احس كل الناس ضدي ولا ادري = يمكن انا اللي ضد كل الناس هواجسي محبوسة وسط صدري = وكلٍ بصدره للظروف احساس فاحت بصدري كنّها فوح قدري = وأنا على الشدة قوي مراس اشوف ناس بالمجالس تهذري = وكل يقول انا قوي الباس أحدٍ يسند فوق واحدٍ يحدري = يبغى الوطى أقرب له يالو ينداس يا هيه يااللي نافخ الذرب بدري = اصحى تركد زين يا جساس يا كم غشيم ضاع ف(الموج )غدري = ما كل من طب البحر غطاس والرجل فــ( الماقف ) مايرضى التمدري= ما يوافق الشينه رفيع الراس عيب الجمل يرغي بعد ما يهدري = وعيب الرجال تخاوي الانجاس من لاعرفني زين ويعرف قدري = عفته ولا لي بمجلسه مجلاس الفرق واضح بين جدره وجدري = وبين المعادن به ذهب ونحاس وحتى الشجر ما بين لوز وسدري = والحنظلة مرّه ولا تنقاس |
الفرق واضح بين جدره وجدري ......... وبين المعادن به ذهب ونحاس صح لسانك أخي الكريم أبو ناصر تحياتي وتقديري أخوكم سلمان ناشي الحجيلي |
الاخ العزيز/// ابوناصر
صح لسانك قصيده رااائعه وجميله تحيااااااتي وتقديري |
صح لسانك .. أخي الغالي / أبو ناصر قصيدة جميله بارك الله فيك \ دمت بخير |
اقتباس:
الاخ الغالي سلمان الحجيلي صح بدنك ... سعدت بمرورك العطر دمت بحفظ الرحمن |
الساعة الآن 06:24 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM