مرحبا في ماتقى الهيلا ولي حق الميانة= بالنيابة عن عتيبة مرحبا مليون مره
بارك الله في ملكنا بارك الله في خوانه= في ذراهم ما نشدنا الدهر عن برده وحره

البقاء ياللي ترحب في وانا عندي حصانه= والزلامي كان ماضر العرب ما حدٍ يضره
بارك الله في ملكنا بارك الله فالديانه= ديننا لله دره والملك لله دره

ابعد المشوار واترك كل شئ في مكانه= واقطع الحبل الطويل اللي على دربك تجره
يشهدون الحاضرين ومن معه ذمه وامانه=والله اني ماتركتك يالسحيمي في مغرة

لا تسويها عناد ولا تسويها لعانه=الزلامي ليش رزه منحرق لا ذقت حره
والله ان الحر يمشي تحت ظل الخيزرانه=انت لك جره وانا ليه بسطح الارض جره

واحسوفي يالبعير اللي قطع وقته بطانه=ما بقي غير المجنن في شهار وفي مسره
صاحبي شاعر وعاقل والحلاوة في لسانه= مير انحره الخلا واجوز من خيره وشره

ان بغيت شعيل عانه وان بغيت اخوه عانه=انتبه لا عاد تجرح جرح ماتقدر تذره
يا خسارة شايبٍ عقله رقص باخر زمانه= هو ما يتعب وخلق الله تزوره في مقره