منتديات البدارين - أبطال الإرادة

البعض ينظر إلى أصحاب الإعاقة بنظرة شفقة وأنهم عاجزين عن فعل أي شيء ، وهذا خطأ ، لأن الإعاقة ليست إعاقة البدن ، ولكن الإعاقة الحقيقية هي إعاقة الفكر . هذه القصيدة كتبتها على لسان أحد هؤلاء الأبطال الذين تحدوا الإعاقة واستطاعوا أن يصلوا إلى القمة وكان سلاحهم في ذلك فقط هو الإيمان بالله وحده والتوكل عليه ، القصيدة بعنوان :

( أبطال الإرادة )

أرجوك لا يا ميمتي يا الحبيبة = دمع النظر غالي ولا ودي يبين
ترى الفتى ماله أبد عن نصيبه = ولا لنا فأحوالنا راي ٍ و يدين
قدَّر الله وراضي ٍ بما يجيبه = الحكم حكمه وكلنا له مطيعين
ولا يوم كانت ها الإعاقة معيبة = ترى المعيبة دربها ينعرف وين
إعاقة الأفكار أكبر مصيبة = مالها طب و دوا ولا لها معين
عزمي قوي ولا شي يمكن يهيبه = وعندي جلادة صبر تكفي ملايين
ويا اللي تناظرنا بنظرة غريبة = تنظر لنا وتقول ذولا مُعاقين
تظننا نحتاج عطف ٍ وطيبة = وتشوفنا بعينك ضعوف ومساكين
يا فاقد العقل الرجيح وصويبه = حنا على درب الأمل دوم ما شين
المجد ناخذ هامته ونعلي به = والقاع يبقى من نصيب المساكين
واللي نبي بالعزم نقدر نجيبه = نمشي على عزم الرجال السلاطين
أبطال حنَّا والإرادة عجيبة = مهما يلين الصلب لا يمكن انلين
= شعر / ضيف الله البدراني (أبووليد)