البدراني والحريص
ياسعود جيب الزرف يا سعود وده *** وده للي منزله راس طـــــــــايل
لاجيت عبدالله ياسعود مـــده *** عطه الرساله ياكريم السبايل من جملت المطران ياسعود بـــــــــده *** حيثه شجيع ومن رجالً حمــــــــــايل متسلسل بالطيب من ساس جــــــده *** راع الوفاء والطيب كامل خصـــــايل قله ترى محمد وصل عند حـــــــــده *** من عيل ناساً غادية بالقوايــــــــــــــل الخبل يا ابو حسين ينداس خــــــــده *** لصار خبل دايم الدوم عــــــــــــــــايل لانيب لايمه ولانيب قـــــــــــــــــــده *** لاخايف منه ولانيب سايـــــــــــــــــــــل والله يالولا قولت انباح ســـــــــــده *** لاعطيه رمحن بين الاضلاع شايــــــــل رمحي الى منه هوى صدر قــــــده *** من عقب أبوي وضارياً بالفعايـــــــــــــل حربي وانا عما عيونه وضـــــــده *** حرب الحرايب منزحين القبايــــــــــــــل مير الزماله شرهه مستجــــــده *** والخوة اللي بيننا قول قايـــــــــــــــــــــــــل وش حيلتي ياكرم بيام شــــــــــده *** متحيراً بامرين وابغى الصمايــــــــــــــــل الراي عندك الحريص وعـــــــــــــده *** ابغى صليب الراي وسط الرسايـــــــــل الشعر يا ابو حسين نوينا نعــــــــــده *** وانا انتظر ردك بكل الوسايــــــــــــــــل وصلاة ربي عد مافاح نـــــــــــــده *** واعداد برقاً في صدوق المخايـــــــــــــل على شفيع الخلق راع المـــــــــوده*** نبينا المعصوم عن كل مايــــــــــــــــــل عن قريب انشر رد الحريص |
الحرير اهلا وسهلا بك في منتداك وبين ربعك واخوانك تفيد وتستفيد وصح لسانك وعلا شانك وبودنا ان تكتب أسم صاحب القصيدة يالغالي ... ننتظر الرد لك تحيتي وتقديري |
الاخ الحرير
اهلا وسهلا فى منتداك وبين اخوانك وصح لسان القائل والناقل لك الود |
اقتباس:
يا مرحبا بسعود وللي بيده *** يا مرحبا ياعانين بالرسايل أهلاً هلا عد بحر جدة *** وأهلاً هلابك عد ماسال سايل خطن قريته شاق قلبي وشده *** خطن من اللي من هل الهرج كايل من صاحبن مدح القلم مايسده *** طيبه وراثه من جدود وصايل يا محمد أسمع للحريص ورده *** نصيحتن للي شاف كثر الهوايل من كثر ماجربت ليان وشدة *** عندي لصعبات العقود الحلايل الحل كانك ياسنافي توده *** حلن موافق لايقله وهايل هذاك مايستاهل اللي تعده *** يكفيه بيتين خزاهن هوايل من سمعها فيه النظر مايلده *** وأن هرجه قال انت ويش انت قايل منها تضيع الهرجه المسترده *** من عقب ماهو بالمجالس يفايل الرمح عيب انك لهذا تمده *** مده على اللي طامعن بالوصايل الرمح والمشعاب ماهو بقده *** لو تندفه تطفي جميع الغلايل وأنا اوعدك والحر يوفي بوعده *** في طرقتك لشد معك الرحايل أيدينا لحمولهم مستعده *** و الا غزينا مصدرين الخمايل ان كان جانا بعد الابيات عهده *** نكسي خفيف حمولهم وثقايل انت ارسل الابيات الاقصاه حده *** يمكن على درب المحيلين حايل وقبل الختام الدرب لازم تقده *** لا تذوق مع حر المليله الملايل الشور جاك وجوده لاتهده *** ولاعاد تطريلي خشير العوايل وصلاة ربي عد ماحج عبده *** على الرسول اللي لفضله فضايل |
شكرا للحرير وصح لسان الشاعر وبيض الله وجه الناقل لهذة القصيدة
|
الساعة الآن 11:45 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM