إليكم هذه المساجلة وهي بين الشاعر سمير بن صليهم الهرشاني والشاعر شنوف بن جاسم الهرشاني
اخواني في مجلس المشاركات المنقولة السلام عليكم ورحمة الله وبركاته :
إليكم هذه المساجلة وهي بين الشاعر سمير بن صليهم الهرشاني والشاعر شنوف بن جاسم الهرشاني حيث أرسلها سمير رحمة الله عليه قبل وفاته وذلك عندما زار منطقة (( القبلة )) ـ في الكويت ـ مكان ولا دته وتذكر ايام صباه فقال هذه القصيدة : هذي مداهيل ياشنوف سلامة = يومنها توها في زمة صباها والعمر توه جديد يركز خيامه = لو في يده خزنة السلطان خلاها مدهال ناب الردايف صاحب الشامة = اللي على خدته ماشفت حلياها كد ساق يمي حراب الموت وسهامه = وهوه هوى النفس ياشنوف ومناها يلعب بقلب المشقى لعبة الدامة = بعيونه اللي سواد الكحل يزهاها ليا طمن الشوف ياشنوف لقدامه = لو حجتي وارده ضيعت معناها خلٍ عطوف لطوف ٍ في تبسامه = بالمزح ولا حدوده ماقربناها أسلي النفس في ذكراه واحلامه = ويخف عني شقى الدنيا وبلواها لو كان رحنا وراح الكل بهيامه = له عشرة ماضيه ماضني انساها الله يسعد مساه ويسعد أيامه = وسنينه اللي مضت وانزاح وياها دعوا تواريخها من قبل هدامه = هي وين جتنا وحنا وين جيناها فرد عليه الشاعر شنوف جاسم بهذه القصيدة حيث يقول : لا باس ياللي شكيت الولف وهيامه = تشكي عناه وعنى نفسك وماجاها متذكر لك زمان فات وأعوامه = أيام ماباقي ياكود طرياها ياسمير هذي سوات الوقت واحكامه = لو طاب لك ساعة كدرك بـ اتلاها الوقت قبلك كثير الناس كد ضامه = أسهر عيونٍ من اللوعات وأشقاها من ذاق حلوه لا بد يحس = بآلامه ذي سنةٍ له على العربان مشاها ولا لوم مثلك يلوم الله من لامه = في حب من كالبرد صفة ثناياها عمهوجةٍ من نظرها طابت اسقامه = منها وفيها عذاب النفس ودواها تشدي لغرس نعم ماجاه صرامه = يزيل عنك الكدر نظرة محياها تطوي ضمير المولع طوية الخامه = بالهرج ولا فلا احدٍ قرب حماها أيام عمرك صغيرٍ تطرخ احلامه = ماهمك إلا هوى ميٍ ولقياها واليوم راحت ودورك خالصٍ زامه = ما غير قلبك يفز لذكر طرياها ومع التحية وإلى اللقاء |
ياسمير هذي سوات الوقت واحكامه = لو طاب لك ساعة كدرك بـ اتلاها
الوقت قبلك كثير الناس كد ضامه = أسهر عيونٍ من اللوعات وأشقاها من ذاق حلوه لا بد يحس بآلامه = ذي سنةٍ له على العربان مشاها مراده جميله ونقل اجمل الله يعطيك العافيه على القصائد وننتظر المزيد منك وتقبل تحياااتي,,,, |
الله يعطيك العافية اخو البدراني 2007 مساجلة جميلة بين الشاعرين صح لسانهم ولسانك تحياتي لك |
اشكرررركم على المرورررررررررررررر
|
:dاشكرررركم على المروررررررررررررررررررررررررررررررررررررررررررررر رر
|
الساعة الآن 03:19 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM