|
يطولن الليالي والحصان حصان يامدباج .........
هذه القصيده كانت بسبب موضوع بمجالس حرب انقل لكم الرابط لكي تتضح لكم بصوره افضل
http://www.harb-net.com/vb/showthread.php?t=63332
يطولن الليالي والحصان حصان يامدباج =هقاوي نفسه الجزله على الجزله يسوقنه ليامن الردي جاله على درب الردى منهاج=وهقاوي نفسه الهزله على الهزله يردنه فعول الطيب مامن دونها سيف(ن)حدب وسياج=جبال(ن)مارقاهن غير شغمومن يهمنه ولا ياهجوس صدري يوم جالك بالخفوق خلاج=على رد النقا راعيك بمرك ماختلف ظنه وعلى اللي كن نوزه لاتحرك نوزة الميراج= ليارجت مكاينها المدرج ثم هزنه لياقام انتله يومي مثل مايومي الكرباج=بيمنا اللي قرب للماد يوم الخيل لحقنه على الغره تقول ملصقنبه خنجر(ن) منعاج= عقب (ميقافه ) امواج الهوا من المشي عاجنه قماش المرتبه لامن لمسته تلمس الديباج=على جسم الهنوف اللي مناكبها يشيلنه ازاريره بطبلونه تقل صفة حبوب علاج=قصادير (ن) فم المسلم عسى ماهن يطبنه لياجاله عروقن تطرد تقل إطراد امواج=وكثرة جرة اللي لف عنهن يوم حدنه بعد توفيق ربي لانتلته تظمن المخراج=يسند بالنفود وينحدر ماصارله حنه بعد جتله وكاله ثم جاله بالخليج انتاج=قنوه اهل الاماره واللي فلوسه يطولنه ونا نصيته اللي لكل من ينصاه طلق حجاج=حشيم(ن) شرد القيفان سببهن ووردنه ابيه يوصل ابيات الوفا راع الوفا هداج=عسى شيبانه اللي ورثوه الطيب بالجنه يقولون المدايح للفتى دايم تجيب احراج=ونا اقول المدايح من هل الطولات يزهنه مدحني وافتخر في قوله اللي فوق راسي تاج=عسى سود الليالي في سهمهن مايصيبنه ونا لجل القبيله لو يصير الحمل كبر سواج=لي متونن بفضل الخالق الباري يحملنه |
الاخ العزيز شاعرنا الغالي
محمد بن عبدالمحسن البدراني صاحب النوادر الجزلة التي تنم عن موهبة شعرية قوية والفاظ ذات معاني راقية وانا معجب جدا بما تخطه يداك ومتابع لما تكتبه وهذه القصيدة جزلة من رجل جزل في رجل جزل ويستحق كل خير وما ذكره الاخ مدباج هو عين الصواب و كل ابناء قبيلة حرب تقدر لك يابو عبدالله هذا الجهد الرائع وتقبل وافر التحية والاحترام ودمت دائما مبدعا ولك تحيااااااااااااتي |
الاخ العزيز عبدالمطلوب البدراني
مرحبا تراحيب المطر وبيض الله وجهك على هذا المرور المبهج واللي يرفع الراس ... افتخر عندما اجد الاشااده من مثل شرواك ... الله لايهينك ويعطيك العافيه... صح بدنك وجزاك الله الف خير وماعليك زود |
صح لسانك عودتنا على مثل هذه الروائع
بيض الله وجهك يابو عبدالله |
الاخ ابو عبدالله
مجهوداتك فى مجالس حرب جميعنا يعرفها وقد اشاد بها الجميع من المشرف العام وحتى احدث عضو فيها وليس غريبا على الاخ حسين الوفاء بل هذا واجب علينا جميعا لك الود |
| الساعة الآن 10:03 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
