منتديات البدارين - والعافيه مع طلوع الشمس يا زينها

سلـطان
لاشفـــت مطلــق وصيــاف السحيمي جميع
------------------اوصــي اهل البلـــد تنقــل مشاعيبــها

اللــي يعــرف الديــر فــي طرقتــه ما يضيـــع
-----------ابــلا د يصبــح بهـــا وابـــلاد يمســـي بـــها

صياف
انتــه تحــب الشـــتا ولاّتحــب الربيـــع
-------------حنـا نعــز الديــر ونعـــز اصــاحيبــها

عزالله إنــا نســوى فــي فالهــواجر صنيع
--------------- نصبر لبعــد السفــــــر ونروح ونجيبها

سلطان
اللي عطــــوك الوداعه يحســــبونك وديع
------------- الصبــح لو ينشــدونك قلــت مدري بهــا

ياصاحـــب (ن)تنطح الفزعـــــه بصدر(ن) وسيـع
-----------------احــــذر علي الرجـــــل لاتحفي عرقيبها

صياف

لا تعتــرض للوداعــه وانتــه مشيــك سريع
---------- العافيــه مع طلــوع الشممـــس ياطــيبها

حنا نصــارع سبــاع الليل في كـل ريــع
-------------- وانتــه مع ام االوليــد ويدك في جيبهــا

سلطان
العافيه مالقاها كل قلب(ن) لكيع
------------------ اللي لياولعت يلحق مشاهيبها
الرابــح اللي محله في المكان الرفيع
------------------دورات الايام مااحد عارف غيبها

صياف
إن ماشفع لك محمد ماانت لاقي شفيع
-----------------بلاش تركز على البندق وترميبها

الظاهر إنك لشيل الحمل ماتستطيع
-------------------وإليا لقيت الخفيفه جيت ساريبها

سلطان
لاانقطع سلك الاذاعه وش يقول المذيع
----------------أهل المكاتيب لايقرا مكاتيبها

ماعاد فالبحر مايملا جراب الجويع
-------------- والغبه ليا انتهت ماتت دغاليبها

صياف
الطيب الطيب اللي يشتري مايبيع
--------------- واللي قطع سلكها ماهو مغني بها