سمعتلي هرجه ؟؟؟
سمعتلي هرجةٍمدري وش اقصاهـا= حزة بصـدري وانامانـي بهارجهـا لو كل كلمه ليا جتنا طـر د ناهـا=بعنا الثمينـه بسعـرٍ مـا يخارجهـا لو مـرة السمـع ماكنـا سمعناهـا=ونقفـل الـراس عنهـا لايبرمجهـا ومن يم هـذا لهـاذا مـا نقلناهـا=الناس واجـد وتلقـا مـن يروجهـا ومن جابها بيـن خلـق الله وداهـا=لوبه مراجل تـرى نفسـه يسمجهـا ومن عاملا الناس في سابق خطايها=يقعـد بـدارٍ خـلا مـاداج دايجهـا في كنةٍ تشوي الجربوع رمضاهـا=تابس غصون الشجر من حر واهجها والناس بلحق حكم الشيخ مرضاهـا=ماترضي الناس لو انـك اتحججهـا يلي تبى الطيبـه خذهـا وعطناهـا=خـل الطريفـه طريـة لا تثلجـهـا واقظب طريق الاوادم وامش ممشاها=اتبع ادروب العرب وانهج مناهجهـا وارسم النفسـك حـدودٍ لاتعداهـا=من حط نفسه بدرب الضيق يحرجهـا وانكان نفسك هواهـا قـام ينحاهـا=حط الاعنه بروس الخيل واسرجهـا فكـر ابمنكافهـا قـدام مغـزاهـا=واضرب حساباتها واتشوف ناتجهـا كلن بعضده يموح الدلـو برشاهـا=وتلقا اكبود الضوامي مـن يبرهجهـا وانكان توك على صدرك تهجاهـا=حنا ترانـا انـدرس فـي مناهجهـا من يم مسراحهـا نبعـد امعشاهـا=الياقعـد راعـي الضالـع يدرحهـا لو هي صعيبه اليا انعاجة عدلناهـا=والي تجـي مستقيمـه ماانعروجهـا نهتم فـي وزنهـا وابـرام معناهـا=ومـن الكرستـال واللولـو انتوجهـا مثل الجواهـر اليامنـا نضمناهـا=واسلوكها من جديد الـزري ننسجهـا مخايلن ترتـدم والصـدر منشاهـا=لادك بلـبـال داكـوكـن يهيجـهـا واليامطرة ضاقت الوديان من ماهـا=تاخذاليا الحول ما يبسـت مدارجهـا ان صدت الناس عنا ماعترضناهـا=ماتقفـي النـاس عنـا وان تولجهـا وانجاتنا الطيبـه بالطيـب زدناهـا=الطيبـه بالعسـل والسمـن نمزجهـا وان جاتنا الثانيه نصبـر ونرفاهـا=يمكن اليـا فـاق راعيهـا يعالجهـا وان عادها عـودةٍ ماعـاد ينساهـا=من حربةٍ في صميم الصدر نولجهـا مسمومةٍ يبلـش الدكتـور بدواهـا=مايقنـع الخبـل لينـنـه يلامجـهـا |
قمة في الابداع والجمال
قراتها من قبل .. وهنا ....كأنني اصافحها للمره الاولى لجمالها وتجلي الجزاله والحكمه والقوه في جميع ابياتها الف شكر اخوي ابن ساري |
السلام عليكم ورحمة الله وبركاته
مشكور أخي / المرواني 1 على المرور والكلآلآلآم الي ينقط عسل ..... تقبلوا خالص تحياتي |
بقي ان تشير انها للشاعر المبدع / عبد الله بن زويبن المعمري 0000000 |
مرحبا ً ألف بالطيب وأهل الطيب يعطيك العافية أخوي إبن ساري على النقل الرائع للقصيده الجزله والرائعه وصح لسان الشاعر عبدالله زويبن المعمرى تحياتي 0 0 0 |
الساعة الآن 04:35 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM