مطوع الحارة!!! وسرقة خبز الايتاااام!!
الله من قلب(ن) خطير(ن) يذوبي = توارده عوق الهواجيس بالزام تواردنه من شمال وجنوبي = أكثر من اللي طوقوا قصر صدام هانيكم يادالهين القلوبي = يالغافلين اللي مثل حمر الأنعام وانا الليالي خانقتني بثوبي = واهد وابني بالتمني والأوهام ماقلتها بمعطرات الجيوبي = ولاهي هزيمة خوف من ضد الأخصام وانا احمد الله ماغدالي ذهوبي = حاميني الإسلام وسيوف الإسلام رش المطر عنا نحاه الهبوبي = يبرق ولا يمطر علينا من العام يالله عسى ماهي سبايب ذنوبي = او زلة(ن) زجت بها روس الأقلام ياطيب السيرة تراك مغلوبي = جاك الزمان اللي مواليده اتوام وقت (غدى) فيه الصدوق الكذوبي = ومطوع الحاره سرق خبز الايتام الشاعر (عقيل بن حمد السامود البدراني) |
بيض الله وجهك ياخالي
وصح لسان الشاعر المبدع المتألق دائما عقيل السامود قصيدة جزله وشاعر جزل صح نقلك وسلمت يمينك |
رش المطر عنا نحاه الهبوبي ..
يبرق ولا يمطر علينا من العام .. يالله عسى ماهي سبايب ذنوبي.. او زلة(ن) زجت بها روس الأقلام.. الاخ تركي الزايد بيض الله وجهك وصح لسانك ولسان الشاعر عقيل السامود قصيدة جزلة واتمنى نفل المزيد من قصايد الشاعر السامود لك تحياااااااااااااااتي |
الاخ القدير / تركي الزايد الله يعطيك العافيه على نقل قصيدة الشاعر / عقيل السامود و استأذنك لتنسيقها واللي تجده من قصايده لاهنت زود الديوان به |
مشرفنا الرائع تركي الزايد بيض الله وجهك على هالنقل المميز وصح لسانك ولسان الشاعر عقيل بن حمد البدراني قصيدة جزله من شاعر جزل ومتمكن الله يعطيك العافيه |
الساعة الآن 02:03 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM