منتديات البدارين - يــــــاحــــــــــــــــــــــــــــــــرب ((سعد المسعودي))

تحيه طيبه للجميع..

دعاني احد الشعراء المعروفين قبل عدة اشهروهو الشاعر سعد المسعودي لمنتداه ولبيت الدعوه وكان اول حضوري معهم بهذه القصيده اللتي انقلها لكم مع رد المسعودي

يالحر الاشقر ياعطيب المضاريـب = جيتـك ملبـن دعوتـك يالنـداوي
للمنتدى اللي ذاع صيته على الطيب=من طيب ذاتـك يابعيـد الهقـاوي
وجينا وشفنابـه كبـار اللواعيـب=ماهو مثل وصف الشعيب السناوي
شفنابـه اللـي يفتلـون الاشانيـب=لاصار من بعض الدعاوي بـلاوي
اهل السيوف اللي تقص التلابيـب=حدبن لها فوق الجماجـم مهـاوي
واليوم جينا يوم جتنـا التراحيـب=ومباخرن سيقت بها عـود جـاوي
ولي الشرف لاجيت دار المعازيب=دارن بها حبل المراجـل رهـاوي
مادام به ناسن تعـرف المواجيـب=انشهـد انـه بالشـداد امتسـاوي

وهذا مرد الشاعر سعد المسعودي

يامرحبا حشمـه وتقديـر للذيـب = وأنا على شرواه قلبـي شفـاوي
والشعرزان وهجرست له هناديب=يسبح بحور الشعر وألها عنـاوي
وأكبر فخرلأهل الوفاء والمكاسيب=أنك رصيد العرف بنـك غنـاوي
وأقولها من دون شـك ولاريـب=في مدح قومٍ يحتمـون العـزاوي
قوم على الطاله وفـك المطاليـب=لغصغص لسان الجمـى فاللهاوي
منزالهم رووس الطوال المراقيب=وعن دربهم تقصر جميع الخطاوي
ياحرب هيبه تعتلـي فالمناجيـب=قبيلـة عنهاعجـز كــل راوي
لقيت في محمد ثلاثـة عذاريـب=وللعرف قاصي علمهـا للدنـاوي
كف الكرم وإن مدها للمقاضيـب=حبله جويد وغيرحبلـه رخـاوي
للعرف ماينقل رصاص مكاذيـب=لاجـات للفزعـه ورد البـراوي
وأنا من اللي يحتمون المحاريـب=لاكبرت القالـه نهـار النخـاوي
يردونهـا ورد المنيـه مهاذيـب=وكل ٍ على موته وردهـا فـداوي
خذها صريحه في ردود المكاتيب=إني على شرواك شفـق شفـاوي