نبي نعيد بس بالقلب تسعير
العيد طل وطلته هالسنه غير= نسمع خبر مايندرى وش اكيده انشهد انه كدر البال تكدير = لاعاد مانزهى الثياب الجديده نبي نعيد بس بالقلب تسعير = تعسير جمر يتزايد وقيده القس قسقس وانهبل يامسافير = قام يتخبط بالكلام ويعيده قام القسيس ينجس الارض ويسير= حقده تبين بالنفوس المكيده يوم اعتلى صوته وجاله مناقير = ينقر بها شم الجبال العتيده يبي يحرق مصحف العز والخير = هدد وتهديده تزايد وعيده عليه لعنة والي العرش تدمير = وعليه بامر الله شهاب تصيده يبي يذل الدين ويزيد تحقير = للعالم المسلم يحسبه يسيده الدين بقلوب النشامى المغاوير = ماهي بسلعه تنشرى من رصيده ولو حالنا في وقتنا خالف االسير = وضاعت خطاوينا وتاهت بعيده مانحني الهامه ولو مسنا الضير = وحنا عليه الله واكبر يبيده هذا ولو هو كفنا شره وخير = ولامسنا في طهرنا والعقيده المصحف اللي به تطيب الاسارير = والشرع به دين ودنيا مجيده هذا هو المسلم على دينه يغير = حقه ومن حقه يدافع شديده نبي نثور وثورة الحق تكبير = نبي نثور وثورة الحق عيده |
صح لسانك .. أيها البدراني وكل عام وأنت إلى الله أقرب حفظك الباري |
اقتباس:
اللهم أجعل كيد القسيس في نحرة اللهم أجعل كيد القسيس في نحرة اللهم أجعل كيد القسيس في نحرة {امين} |
اقتباس:
صح لسانك يا صالح وعلا شانك وبيض الله وجهك قصيدة رائعة روعة حضورك اللهم اجعل كيدهم في نحورهم وقنا ربنا جميع شرورهم لك فائق التحية والتقدير |
اقتباس:
|
الساعة الآن 04:35 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM