قصيدة الشاعر جهز عوض في حفل زواج تركي جعيثن
سلام ياروساً دعتنا وجينا=جينا نلبي دعوة اللي دعانا حنا ليا جات اللوازم بدينا=ولانعترض في حاجتن ماتعنانا الشعر ديوان العرب ماغوينا=نأخذ ونعطي فيه بين زملانا وليى اجتهدنا بالكلام الثمينا=نرضي ضمايرنا ويفهم عطانا هذا هو الواجب وحقن علينا=يامعشر الشعار في ملتقانا الله يوفقنا لذا ويهدينا=وعلى طريق الخير يأمر خطانا وبعد الكلام ومبتداه ابتدينا=في حفلة اللي طيبهم ما خفانا مني ومن عندي من العايدينا=التهنئيه مني بعيد رمضانا الله يعيده بالسلامه علينا=ويعزنا في طاعته ويحمانا ويحفظ بلدنا من عثى الطامعينا=وانه يعز املوكنا وومرانا حكامنا اللي للبلد حافظينا=ويارب نورنا بنور اعلمانا والمجتمع منا وحنا وفينا=وحنا نميز صحنا من خطانا ياربعنا يارجالنا الطيبينا=قوموا على ماقوموه اوجهانا على دروب الخير دنيا ودينا=والبذل والأنفاق في مستوانا دعوة رجال الخير فيها رضينا=ورسائل التأييد في منتدانا فكره من اهل الراي والراشدينا=من راس ابو منديل علمه لفانا قولوا مثل ماقال وموفقينا=والله ونا ساله لايشقر عصانا |
الساعة الآن 09:29 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM